Altin Goxhaj e thotë troç/ "Plani jonë është të rrëzojmë Ramën dhe Bashën, marrin veprime të paligjshme"

12 Prill 2020, 15:31, Politikë CNA

Avokati Altin Goxhaj e ka thënë hapur se plani i tij është të rrëzojë kryeministrin Edi Rama, pasi pretendon se veprimet e tij janë të paligjshme.

Goxhaj theksoi se për të rrëzuar Ramën duhet rrëzuar edhe kryetari i opozitës Lulzim Basha, për të cilin thotë se është aleat me kreun e qeverisë.

“Nuk ka kuptim të rrëzosh Ramën kur nuk rrëzon dhe Lulzim Bashën. Plani ynë është të rrëzojmë Ramën”, u shpreh ai në studion e Fax News.

Më tej avokati kundërshtoi fashat orare dhe paralajmërimin për burgim nga 5 deri në 15 vite për këdo që shkel karantinimin dhe shkakton vdekjen e një persona nga koronavirusi.

?Kemi deklaruar se të gjitha fashat orare janë të paligjshme. E kam thënë dhe më parë që çdo gjobë është e paligjshme dhe të premten u botua në fletoren zyrtare. Çdo gjobë çdo sekuestrim, çdo dëmtim, që i ka bërë çdo biznesi është e paligjshme dhe çdo qytetari i lind e drejta që të hedh në gjyq qeverinë. Jemi përballë një shtetit të paligjshëm që nuk mund të jetë më shtet, por një bandë. Rama ka vendosur që të paraqesë në Kuvend për t’i futur në burg dhe për të hequr patentat, realisht në asnjë vend tjetër në botë nuk është vepruar kështu, me 15 vite burg është një absurditet. Kanë bërë nene vetëm se ti del nga shtëpia për të blerë bukë. Neni ai është. Këtë punë kush e përcakton. Në këtë sistem që ne kemi, ky thjeshtë po ndërton një burg të madh brenda burgut.

E para kanë bërë tre veprime të paligjshme, i pari është për të çuar me një procedurë të përshpjetuar një ligj që do të 3/5 e votave. Kushtetuta e ndalon që një ligj për masat të jashtëzakonshme të merret në gjendje të jashtëzakonhsme. Do të punosh me ato ligje që ke pasi në një situatë të tillë mund të marrë vendime abusive. Gramoz Ruçi në kundërshtim me ligjin ku ndryshimet miratohen me 3/5 ka futur me urdhër personal që të lejohen të futen këto ligje në parlament”, tha Goxhaj, ndërsa theksoi se po planifikon që të ngrejë një padi për masat e karantinimit./ CNA.al