web counter
LEXO PA REKLAMA!

SHKARKO APP

App Store
Google Play

Vendimi për të bojkotuar seancën parlamentare/ Përmeti: Është me rrezik, s'kemi kohë as të flasim

11 Prill 2020, 18:25, Politikë CNA

Ditën e sotme deputeti i Bindjes Demokratike Andi Përmeti deklaroi se do të bojkotojë seancën parlamentare të 16 prillit për shkak se i kishin ndaluar të drejtën e fjalës.

Përmeti ka shpjeguar edhe njëherë përse e ka marrë këtë vendim. Në një lidhje për Fax News, deputeti tregoi se atij i kanë lënë vetëm 18 sekonda kohë për të folur në Kuvend duke i paralizuar kështu fjalën e lirë.

Ai theksoi se grumbullimi në një sallë me 150 persona është i rrezikshëm, ndaj ka vendosur të mos shkojë për të mos rrezikuar ndokënd, pasi në seancë nuk do mundet dot të shprehë mendimin e tij edhe sikur të shkojë.

?Ne jemi 17 deputete të pavarur dhe të gjithë kemi 5 minuta kohë për të folur. Nëse regjistrohemi te gjithë i bie që ne të kemi 18 sekonda për të folur. Pra thjeshtë për të hapur mikrofonin. Kjo është një tallje, që na heq mundësinë për të folur. Kjo është për të hequr të drejtën e fjalës. Mendimi im është se kjo është zgjidhja më e gabur dhe paralizon fjalën e lirë. Kam vendosur që të mos shkoj në seancë. Këtë seancë e konsideroj një rrezik. Që kur ka shpërthyer COVID-19 dikur tek 150 persona në një sallë të mbyllur. Disa mbi 60 vjeç. Ka edhe persona që kanë qenë me sëmundje kronike. Rreziku që dikush të jetë bartës, pa e ditur dhe të infektojë dikë rrezikojmë ta shpërndajmë pa vetëdije. Për këtë arsye, duke qenë se efektivisht unë nuk mund ta ushtroj detyrën time në atë sallë, për këtë arsye e konsideroj të pavënd vajtjen time në atë sallë. Jemi të shqetësuar, jo vetëm për veten, por edhe për qytetarët shqiptarë?, tha Përmeti./ CNA.al





Lajmet e fundit nga