web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet raporti/ Komisioni Europian rekomandon çeljen e negociatave për Shqipërinë e Maqedoninë e Veriut

2 Mars 2020, 11:52, Politikë CNA

Komisioni Evropian ka publikuar sot raportin për Shqipërinë, ku vlerëson proçesin e reformave dhe përsërit qëndrimin për çeljen e negociatave për vendin tonë dhe Maqedoninë e Veriut.

Në progres raport, theksohet se Shqipëria ka bërë përparim në luftën kundër krimit e korrupsionit dhe ngritjen e institucioneve të reja të drejtësisë

?Në kuadër të arritjes së një progresi domethënës dhe përmbushjes së kushteve të përcaktuara në mënyrë unanime nga Këshilli Evropian në Qershor 2018, Komisioni Evropian rekomandoi në paketën e tij të zgjerimit 2019 që Këshilli të hapë negociatat e pranimit me Shqipërinë. Në përgjithësi, Shqipëria ka rritur përpjekjet e saj dhe ka dhënë rezultate të mëtejshme të prekshme dhe të qëndrueshme në fushat kryesore të identifikuara në Konkluzionet e Këshillit në Qershor 2018. Si rrjedhojë, bazat e rekomandimit të Komisionit për vitin 2019 për të hapur negociatat e pranimit me Shqipërinë mbeten të vlefshme.?- thuhet në konluzionet e Raportit.

Gjithashtu në raport theksohet edhe përparimi që ka bërë vendi ynë në luftën kundër krimit e korrupsionit si dhe për ngritjen e institucioneve të reja të drejtësisë.

?Nga vettingu janë shkarkuar ose kanë dhënë dorëheqjen 60% e gjyqtarëve dhe prokurorëve. Vettingu ka çuar në shkarkimin nga detyra të një numri të magjistratëve të rangut të lartë, duke përfshirë në Gjykatën Kushtetuese dhe Gjykatës së Lartë. Në shtator 2019, një ish-ministër i Brendshëm u shpall fajtor për shpërdorim detyre nga Gjykata e Apelit të Krimeve të Rënda dhe u dha dënua me tre vite e katër muaj shërbim prove?, shkruhet më tej në raport./CNA.al





Lajmet e fundit nga