E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Dyfytyrësia e Erion Veliajt/ Zbulohet mashtrimi elektoral, lejet e ndërtimit arrijnë nivele rekord

2 Mars 2020, 11:34, Politikë CNA

Ish-mjaftisti që dikur protestonte kundër socialistëve, Erion Veliaj, prej pothuajse pesë vitesh drejton Bashkinë e Tiranës.

Gjatë fushatës elektorale për pushtetin vendor në vitin 2015, Erion Velaj, në atë kohë kandidati i PS-së për kryetar bashkie i Tiranës, zotohej dhe premtonte bujshëm se nëse do ti besohej administrimi i Bashkisë do të anulonte të gjitha lejet e ndërtimit të dhena nga paardhësi i tij i PD-së Lulzim Basha, kurse ato që do ti jepte do të ishin sa më larg qendrës së kryeqytetit. Por, faktet tregojnë se ka ndodhur krejt e kundërta.

Faktet tregojnë se gjithçka ka qënë një mashtrim elektorale, dhe jo vetëm që nuk janë anulluar lejet që pretendonte Veliaj, por për më tepër, Erion Veliaj, rezulton të jetë drejtuesi që ka dhenë më shumë leje ndërtimi gjatë viteve të qënies së tij në krye të Bashkisë më të madhe të vendit.

Sipas INSTAT, vetëm në periudhën brenda dy viteve, 2016-2018, janë dhënë plot 313 leje ndërtimi.

Ndërkohë, në një shkrim të publikuar në ?Monitor?, referuar të dhënave zyrtare nga INSTAT, për gjithë vitin 2019, lejet e ndërtimit kanë arritur një nivel rekord.

Po sipas të dhënave të INSTAT, në vitin 2019-n u dhanë gjithsej 373 leje ndërtimi dhe sipërfaqja e dhënë për ndërtim është rritur ndjeshëm, në një tregues se ato kanë qenë për banesa të larta.

Në total, sipërfaqja e dhënë për leje ndërtimi për 2019-n, sipas INSTAT ishte rreth 1.5 milionë metra katror, me një rritje prej 55% në raport me vitin e mëparshëm dhe duke shënuar një nivel rekord të paktën që prej vitit 2010, kur raportohen të dhënat e detajuara sipas rretheve (shih grafikun).

Sipas INSTAT, sipërfaqja e dhënë për ndërtim në Tiranë i korrespondon një vlere prej rreth 52 miliardë lekësh, ose rreth 420 milionë euro.

Vrulli më i madh i dhënies së lejeve ishte në tremujorin e parë dhe të tretë, me përkatësisht me 480 mijë dhe 556 mijë metra katror. Niveli më i ulët u shënua në tremujorin e katërt me 147 mijë metra katror, i ndikuar nga amullia që u shkaktua pas tërmetit të 26 nëntorit dhe pezullimit të përkohshëm të lejeve të ndërtimit./ CNA.al