E fundit!

19:25 Kronika

Aksident i rëndë në aksin Cërrik-Mollas/ Raportohet për dy viktima

Një aksident i rëndë raportohet se ka ndodhur në aksin Cër...

Si e arrestoi Ilir Meta, Sali Berishën dhe Jozefina Topallin në nëntor të vitit 2000

2 Mars 2020, 11:06, Politikë CNA

Gati 20 vite më parë, pas shumë protestash të Partisë Demokratike, pas vrasjes së liderit të Dhjetorit Azem Hajdari, Sali Berishës iu hodhën prangat dhe u shoqërua së bashku me Jozefina Topallin dhe Edi Palokën, në Drejtorinë e Policisë së Tiranës.

Ata që e mbajnë mend atë natë janë të shumtë. Disa prej tyre janë ende të PD-ja, kanë pasur edhe poste. Kush dilte nga selia e Partisë Demokratike arrestohej dhe dhunohej nga policia, forca të shumta speciale, forcat RENEA. Kudo kishte snajpera, forca policie, civilë që godisnin, dhunonin e masakronin këdo që dilte nga selia e Partisë Demokratike. Gra dhe burra të arrestuar. Me qindra. Kushdo që shkonte tek klubet përballë, atje ku sot ndodhet Toptani Shopping Center, në momentin që largohej mund ta pësonte keqazi.

Në mesnatë Sali Berisha vendos të dalë nga selia e PD-së, bashkë me eskortën e tij zyrtare dhe sapo merr kthesën përpara kinema Partizanit, ai ndalohet nga policia dhe forcat e saj speciale. Ishte i shoqëruar nga Jozefina Topalli dhe Edi Paloka. Të gjithë përfunduan në polici. Po ashtu edhe Eda Hyka ka qënë në makinën shoqëruese, e cila edhe ajo përfundoi në komisariat. Ndërsa Lulzim Basha, në atë kohë nuk “ekzistonte”, ishte thjeshtë një kamarier.

Me urdhër të policisë, me një grup snajperistësh dhe me maska, Sali Berisha shoqërohet në Policinë e Tiranës, pas një urdhëri të dhënë nga Ilir Meta për ngjarjet që kishin ndodhur në Tropojë.

Në 28 nëntor të vitit 2000 një person ishte vrarë. Pak ditë më parë Ilir Meta kishte qënë vetë në Tropojë, ku i kishin prishur mitingun dhe e kishin rrethuar. Kishin tentuar ta merrnin peng, por më pas kishte pasur ndërhyrje dhe ishte liruar. Ka qënë një nga momentet më të vështira politike të Ilir Metës vizita në Tropojë, e cila u kthye në hakmarrjen e tij sapo zbriti në Tiranë. Ilir Meta urdhëroi arrestimin e Sali Berishës.

E bëri këtë, por nuk mundi të zgjidhte asgjë. Pas disa orësh në polici, Topalli dhe Berisha lihen të lirë. Ndërsa Edi Paloka u mbajt për disa javë në polici.

Të nesërmen, Berisha shpërthen në akuza ndaj kryeministrit në detyrë.

Ky është rasti për t?u kujtuar sot, kur ish-kryeministri i djeshëm, Sali Berisha arrestohej nga paraardhësi i tij dhe njeriu që sot kërkon Kushtetutën e vendit dhe të drejtat.

Në fakt Ilir Meta është personi që e prangosi Sali Berishën. Ndoshta dhe këtu ka filluar ?dashuria? e tyre, e cila u ?kurorëzua? shumë vite më pas me një marëveshje politike dhe bashkëqeverisje.

Ndoshta ?Sindroma e Stokholmit? ka ndodhur. Filloi në Tropojë apo në Tiranë, këtë nuk e di askush. Ilir Meta dhe Sali Berisha nuk e kanë rrëfyer kurrë. Koha ka treguar se ata kanë qënë edhe bashkë, por edhe kundër njëri-tjetrit. Por, gjithmonë Berisha ka shpresuar se me Ilir Metën, Berisha mund të përçajë të majtën dhe të jetë më i fortë në pushtetin e tij. Gjë që ka rezultuar e tillë për shumë kohë. Ashtu siç po tenton të bëjë edhe sot, gjoja në emër të moralit kushtetues, kur në fakt është imoraliteti kushtetues.

Arrestimi i Berishës në atë kohë ngjalli panik tek demokratët. Ishte një ngjarje që i tronditi të gjithë dhe la jo pak pasoja, edhe pse duket se vitet svenitin gjithçka.

Por, fakti është fakt. Ilir Meta arestoi Sali Berishën. Ndërsa sot Berisha do të qëndrojë në tribunë poshtë, përballë tij dhe ai të flasë. Këto janë çudira politike shqiptare që ndodhin pas shumë e shumë vitesh./ CNA.al

Në dy kohë/ Ilir Meta vrasës apo mik i Tropojës?!