web counter
LEXO PA REKLAMA!

SHKARKO APP

App Store
Google Play

Arrestimi i Çilit/ Berisha zbulon "skenarin" e Ramës dhe Blushit për të mashtruar qytetarët

1 Mars 2020, 19:13, Politikë CNA

Ish-kryeministri Sali Berisha ka hedhur sërish akuza ndaj kryeministrit Edi Rama dhe drejtorit të Top Channel Ben Blushit, lidhur me arrestimin e pronarit të UET-së Henri Çilit.

Berisha deklaron se arrestimi i Çilit dhe fshehja e emrit të drejtuesit të lartë të drejtësisë, nxjerr në dritë kontrollin total të drejtësisë dhe institucioneve të saj, të cilat pretendon se janë produkte të reformës.

Sipas tij, ky akt provon se në krye të institucioneve të reja të drejtësisë janë emëruar përfaqësues të botës së krimit.

Ish-lideri i demokratëve thotë se Rama ka urdhëruar Blushin të mashtrojë shqiptarët duke mohuar në pafytyrësi të plotë dhe në krim të rëndë takimin e zhvilluar në Hotel Tirana midis Çilit dhe zyrtarit të lartë të drejtësisë.

Berisha shprehet se pronari i UET-së është takuar me këtë zyrtar në datën 14 janar 2020, dhe takimi është filmuar dhe regjistruar me zë dhe figurë.

?Në këtë takim, sipas dokumentit zyrtar të narkoprokurorisë, me vulë dhe firmë të saj, ?drejtuesi i njërit prej institucioneve të larta të drejtësisë? merr përsipër të plotësojë kërkesën e Çilit, gjë për të cilën ky i fundit dhe u arrestua.

Në një akt të rëndë kriminal mediatik, mafiozi Arben Malavita, i cili ka tejkaluar në lëpirjen e Edvinit edhe Karlo Malavitën dhe Ymer Çorapen me teleblushin e tij, ju thotë shqiptarëve se ka një keqkuptim pasi nuk bëhet fjalë për një takim midis Çilit dhe zyrtarit të lartë, drejtues të njërit prej institucioneve të drejtësisë, por për një bisedë telefonike të kunatit të Çilit, në të cilën ai flet për këtë takim!?, shkruan ai në rrjetet sociale./ CNA.al

Berisha thirrje Vjollca Hoxhës/ ?Ben Blushi do të grabisë Top Channel?





Lajmet e fundit nga