web counter
LEXO PA REKLAMA!

SHKARKO APP

App Store
Google Play

Sonila Meço “masakron” Ramën/ Pasuritë e politikës në parajsa fiskale, kryeministri flet si lider opozite

2 Mars 2020, 08:28, Politikë CNA

Gazetarja Sonila Meço ndërsa komenton Kongresin e Partisë Socialiste, shkruan se kryeministri duket se ka nisur fushatën, me fjalime, a thua se është prej shtatë vitesh në opozitë, dhe jo në krye të qeverisë.

?Kryeministri nisi zyrtarisht fushatën elektorale për zgjedhjet e ?ku ta dimë? me fjalime prej lideri opozite 7 vjeçare.?-shkruan Meço.

Po ashtu ajo reagon edhe në lidhje me të ashtuquajturën amnisti fiskale, ndërsa thekson se ?Kongresi i partisë në pushtet shpall amnisti në një kohë kur pasuritë offshore të ?politikës? shëllehen nën diellin e parajsave fiskale.?.

Sa i takon integrimit në BE, Sonila Meço shkruan se ?Ndërkombëtarët shpikin metodologji të reja integrimi për Shqipërinë, por në thelb na kujtojnë se iu duhet vetëm stabilokracia përtej dyerve të BE-së.?.

Po ashtu gazetarja Meço komenton edhe konferencën e donatorëve për rindërtimin pas tërmetit.

?Brukseli mblodhi ca fonde për pasojat e tërmetit, për të cilat qeveria na tha gjithë entuziazëm fund-hallesh se janë mbi 1 miliard, por rezulton se nuk janë as 200 milionë me gjithë fondet e shpenzuara gjer më tash. As nuk thithen dot në një vit.?-shkruan gazetarja.

Më tej, ajo flet edhe për situatën në Ballkanin Perëndimor, por edhe të ashtuaquajturën ?betejë për Kushtetutën? në vendin tonë.

?Për autokratët e Ballkanit, Brukseli nuk ka ndonjë merak, por as Plan Marshall.

Liderët shqiptarë në rajon kanë nisur garën e denigrimit, a thua se lufta për liri e pavarësi Kosove është kryer 5 shekuj më parë.

Kushtetuta është pengesa e fundit për një parti-shtet, por problem për një pjesë është kush mbron ligjin themeltar e jo kush po do ta zhbëjë.

Ka paradokse, patjetër që ka. Por ato shtohen sa më shumë dobësohet logjika. Jo e atyre që i shkaktojnë, por atyre që e pësojnë.

Tani mendoni vetëm diçka, çfarë mund të ndodhë kur një forcë e pandalshme godet një objekt të palëvizshëm??-përfundon Sonila Meço./ CNA.al





Lajmet e fundit nga