Morali pa moral i politikës/ Kushtetuta që Meta, Berisha dhe Rama e bënë letër higjenike

2 Mars 2020, 09:50, Politikë CNA

Presidenti Ilir Meta ka thirrur sot një manifestim me pretendimin, për të mbrojtur Kushtetutën. Thirrjes së Metës i është bashkuar edhe opozita, e cila ka deklaruar se sot do të jetë në shesh në krah të presidentit.

Të githë bërtasin fort për të mbrojtur gjasmë ?Kushtetutën?, por e vërteta është se asgjë nuk bëhet për Kushtetutën.

Të ishte për Kushtetutën, Lulzim Basha dhe Partia Demokratike nuk do të ishte aspak atje. Pasi kur ajo është miratuar në nëntor të vitit 1998, Shqipëria në atë kohë pas një proçesi të fortëpërplasjesh politike shkoi në një referendum popullor. Partia Demokratike doli hapur kundër Kushtetutës aktuale, të cilën nuk e dëshironte, e bojkotoi dhe nuk e votoi dhe nuk e njohu për shumë kohë.

Por, më pas me ardhjen e demokratëve në pushtet në 2005, ajo filloi të vlerësohej prej Berishës.

Më pas u përçudnua në 2008 me ndërhyrjet Rama-Berisha dhe i vetmi që ka folur në atë kohë ishte Ilir Meta. Por, këtë nuk e bëri për Kushtetutën që kishte miratuar dje si socialist vetë. Por, këtë e bëri për diçka tjetër. E bëri për karrigen e tij politike. Për sistemin zgjedhor, që nuk i jepte atij pushtet dhe mund ta nxirrte me shkelma. U kap me thonj pas saj. Mori dhe borxhe, u përgjua edhe në telefonata për qindra mijë dollarë dhe në finale me katër mandatet e tij, ai shkoi në pushtet me Berishën.

Morali pa moral i protestës së sotme nuk është Kushtetuta, ajo është një copë letër që politikanët tanë e kanë vënë në tualet, duke e shkelur sa herë kanë mundur. Dhe për këtë ka vendime të Gjykatës Kushtetuese, të cilat kanë folur kundër klasës politike shqiptare. Gjithçka nuk ka të bëjë me Kushtetutën. Ajo do të ishte e shenjtë në rast se do të miratohej me një konsensus të shqiptarëve, por nuk ka ndodhur kështu. Dhe kur është ndryshuar nuk është dnryshuar me votat e shqiptarëve, por e kanë ndryshuar në parlament Berisha me Ramën dhe gjoja e ka kundërshtuar Ilir Meta, i cili më pas shkoi sërish tek Berisha në tavolinë e më pas, pas katër vitesh qeverisje me të, shkoi e qeverisi edhe katër vite të tjera me Ramën. Pavarësisht se publikisht mund të ketë pasur qëndrime, ka qënë gjithmonë në ?shtratin? e atyre që kanë ndryshuar Kushtetutën.

Ndaj sot morali për Kushtetutën është një gënjeshtër. Është një falcitet. Dalja në protestë ka qëllime të tjera, ashtu sikundër politika është përtej asaj që duket.

Kushtetuta nuk është asgjë. Ilir Meta nuk ka hallin e saj, as Lulzim Basha nuk ka hallin e saj. Sot duan të tregojnë një provë force, sepse zgjedhjet kanë filluar. Fushata po ndizet. Rama nga njëra anë bën premtime, Meta nga ana tjetër po qëndron fort dhe kërkon të ndezë opozitarizmin që të ketësa më shumë vota dhe Edi Rama të tronditet.

Kjo është një skemë dhe asgjë më tepër se kaq. Kushtetuta për ta është thjeshtë një letër higjenike. Në qoftë se do të ishte për Kushtetutën, palët minimalisht do të kishin një projekt të vërtetë. Do të kërkonin ndryshime të forta Kushtetuese, të cilat të kishin disa vlera dhe parime që do t?i shërbenin jo politikës, por dhe qytetarëve.

Në fakt nuk po e bëjnë, por po e shkelin atë me të dyja këmbët. Atë copë letër që e quajnë Kushtetutë, që e kanë ndryshuar kur dhe si kanë dashur. Apo kur nuk e kanë votuar dhe e kanë bojkotuar votimin e saj./ CNA.al