web counter
LEXO PA REKLAMA!

SHKARKO APP

App Store
Google Play

Pushimi i hetimeve për Bashën/ Braçe: E shpëtoi sistemi i vjetër, vendi me dy standarde

13 Janar 2020, 19:51, Politikë CNA

Zv.kryeministri Erjon Braçe ka reaguar pas vendimit të Gjykatës së Tiranës, për të pushuar akuzën për falsifikim, kundër Lulzim Bashës dhe dy zyrtarëve të PD-së, Arben Ristani dhe Ilir Dervishi.

Braçe thotë se Basha ishte dhe mbeti i vetmi politikan që nuk gjykohet kurrë për akuzat mbi të!
Sipas tij, Basha nuk është trajtuar kurrë si i barabartë para ligjit.

“Ky vend ka dy standarde: Njëri për qytetarët dhe cilindo tjetër që nuk ka prokurorët e gjykatësit e tij; Tjetri për Lulzim Bashën që ka gjithnjë prokurorët, gjykatësit, avokatët e tij, të cilët kanë emëruar prokurorët e gjykatësit që as hetojnë e as gjykojnë vec një politikan-Lulzim Bashën. Kush e ngatërron këtë duke e treguar si produkt i #ReformaneDrejtesi, gabon! Ky ështs ende sistemi i vjetsr i padrejtë, i pandershëm, politik e banal që ka ndertuar Lulzim Basha me ministrin e tij të Drejtësisë?, shkruan Braçe.

Sipas tij, ?kësaj radhe është edhe më e qartë, por edhe më e turpshme; Një lobist amerikan, në marëdhënie ligjore e publike me PD, materializuar me firma të tij e të Lulzim Bashes, ka deklaruar në cdo zyre ligjore të SHBA se ka marrë prej PD përmes një kompanie në marrëdhënie me të, 670 000 dollarë?!

?Në zyrat ligjore të Shqipërisë, Lulzim Basha as që i ka deklaruar ato! Pyetja që priste përgjigje nga prokurorë e gjykatës bashkë, mbetet e thjeshtë: Të kujt jane 670 000 dollarët e paguar e të deklaruar në Amerikë??, shkruan Braçe.

Sipas zv. kryeministrit, Lulzim Basha nuk gjykohet kurrë sepse ka gjithnjë gjykatësit e prokurorët që i garantojnë imunitet, mungesën e një gjyqi për të!

?Ky është sistemi i tij, i tyre dhe është ende në këmbë?, përfundon Braçe./CNA.al





Lajmet e fundit nga