E fundit!

20:55 Denoncim

FOTOLAJM/ Adoleshentët gara me motorë e skuterë në Parkun e Liqenit, policët bashkiakë me sy në telefon

Qytetarët që kalojnë pasditen pranë Liqenit Artificial në ...

Basha mbylli protestat për lobimin rus në SHBA

13 Janar 2020, 17:08, Politikë CNA

Sot, Gjykata e Tiranës me një vendim të Lazër Sarakut, ka hedhur poshtë dokumentat e Departametit Amerikan të Drejtësisë dhe të Shteteve të Bashkuara të Amerikës duke pushuar çështjen ndaj Lulzim Bashës.

Kryetari i Republikës së Re nga sot nuk do të ketë më probleme me drejtësinë sepse gjithçka mesa duket tashmë po shkon drejt fundit.

Dashuria e tij me Edi Ramën dhe marrëdhënia vazhdon të jetë ende shumë e fortë.

Mesa duket Luli është kthyer sërish, apo nuk është larguar kurrë nga shtrati i Edi Ramës. Bëri sikur me djegien e mandateve dhe të gjithë besuan se përfundimisht Lulzim Basha është ndarë nga Edi Rama, por në fakt ishte krejt e kundërta.

Ai i dha Edi Ramës një mazhorancë kushtetuese për të bërë gjithçka, nga ana tjetër i fali 61 bashki në tavolinë, zhvilloi dhe disa protesta të dhunshme, ishte koha kur po hetohej fort çështja e lobimit rus, nga ofshorë rus të SHBA, me para të paguara nga Lulzim Basha, këto të marra nga kompania e Nik Muzin nëpërmjet ofshorëve rus dhe të deklaruara në Departamentin Amerikan të Drejtësisë dhe të njohura zyrtarisht si dokumente.

Sot gjykata këto i ka hedhur poshtë, pasi Lulzim Basha shtrëngoi fort në shtrat Edi Ramën, pasi i fali një mazhorancë kushtetuese me djegien e mandateve, pasi i fali 61 bashki dhe pasi u tërhoq nga gjithçka duke braktisur çdo protestë dhe çdo gjë.

Luli, sot mori shpërblimin e radhës nga kryeministri, nga kjo drejtësi që Basha thotë se është e kapur nga Edi Rama, se është drejtësia e Ramës dhe sot kështu ndodhi. Ajo drejtësi që thotë Lulzim Basha se është e kryeministrit, e kontrolluar prej tij, drejtësia e kapur e Edi Ramës, sot i pushoi çështjen e lobimit në SHBA nga ofshorë rus Lulzim Bashës, duke e shpëtuar, megjithëse ka një shkallë tjetër, por mesa duket gjërat janë të mbyllura.

Dashuria e tyre është e madhe dhe kur ata bëhen bashkë, bëjnë lëmsh jo vetëm drejtësinë, por edhe Amerikën që i hedhin poshtë dokumentat.

Sot është e provuar, Lulzim Basha, mori një pushim çështjeje, pra një pafajësi për një rast të faktuar me dokumenta zyrtare nga Departamenti i Drejtësisë së Shteteve të Bashkuara të Amerikës, e cila erdhi pasi Luli i fali mazhorancën kushtetuese Edi Ramës dhe 61 bashki në tavolinë. 6 muaj pas tyre ai mori edhe pafajësinë apo ju pushua çështja e lobimit me paratë e ofshorëve rus në SHBA./ CNA.al