Edi Rama mbyll dosjen e Lulzim Bashës në gjykatë

13 Janar 2020, 16:16, Politikë CNA

Ka ndodhur ajo që pritej dhe ajo që shqiptarët e besojnë dhe tashmë e kanë të vërtetuar. Pazaret e Lulzim Bashës, kryetarit të Republikës së Re me kryeministrin Edi Rama vazhdojnë.

Sot gjykata ka pushuar çështjen ndaj tij, megjithëse janë bërë shumë hetime, ndërkohë që në SHBA ka pasur një skandal të nxjerrë nga një media amerikane e cila ka publikuar dokumenta zyrtarë nga Departamenti i Drejtësisë. Pra sot gjykata shqiptare hodhi poshtë për interes të Edi Ramës dokumentat e publikuara nga Departamenti i Drejtësisë në SHBA pas deklarimeve të bëra nga lobisti Nik Muzin ku thuhet se janë paguar të paktën 1 milionë dollarë për lobim në SHBA nga kryetari i Republikës së Re, Lulzim Basha.

Nuk ka asnjë çudi, gjithçka pritej, nuk përbën më lajm marrëveshja Rama-Basha.
Nuk ka nevojë më për komente se pazaret e tyre vazhdojnë në lidhje me Reformën në Drejtësi, në lidhje me Sistemin Zgjedhor apo dhe vendimet e fundit të Gjykatës. Po pse Rama dhe pikërisht ai i mbylli dojesn Lulzim Bashës? Një pyetje që kërkon argument, dikush mund të thotë që dosja i duhej e hapur. Në fakt dosja ende nuk është byllur, çështja ndoshta do të shkojë në Apel por tre prokurorë që hetonin çështjen, dy prej tyre kanë qenë për ta çuar në gjykatë dhe për t?i dhënë zgjidhje përfundimtare kësaj çështje, njëri prej tyre ka kundërshtuar.

Mesa duket ndoshta s? do të ketë as ankimim në Apel pasi gjykata ka dhënë si vendim atë që ka dashur Luli avokatët e tij dhe vetë kryeministri Edi Rama që e do Lulzim Bashën në krye të PD, në krye të Republikës se Re e do kundërshtar aq të dobët. ashtu të rraskapitur pa ide, pa frymëzim, pa mbështetje, të sakatuar, pazarxhi, të vogël, të ngushtë dhe të pamundur për tu ngritur si një lider opozitë thjeshte dhe vetëm për një qëllim që Edi Rama të vazhdojë dhe të mbretërojë pushtetin e tij.

Kjo është dhe arsyeja kryesore që ai e mbështet Lulzim Bashën, i mbyll dosjet në prokurori, ia çon në Gjykata, i jep 16 milionë euro për pallatin e vjehërrit të tij apo e ul në tryeza marrëveshje i siguron pushtet dhe miliona euro bizneseve të familjarëve të tij.

Nuk kishte më asnjë dyshim, kjo e fundit nuk përbën më lajm, mbyllja e dosjes së Bashës ishte ajo që pritej, Edi Rama dhe Lulzim Basha vazhdojnë marrëveshjen e tyre, ata të dyja janë vëllezër siamezë./CNA.al