web counter
LEXO PA REKLAMA!

SHKARKO APP

App Store
Google Play

E fundit!

x

Taulant Balla i dënuar për shpifje, mbron Ligjin e Censurës

13 Janar 2020, 16:11, Politikë CNA

Kreu i Grupit të PS-së, Taulant Balla është shfaqur sot, me deklarata në mbrojtje të Ligjit të Censurës.

Ligji në fjalë, një ditë më parë është kthyer nga Presidenti Ilir Meta, Kuvendit të Shqipërisë.

Por sipas Ballës, maxhoranca do ta rivotojë sërish këtë Ligj.

Është ironik fakti se si një i dënuar për shpifje del në mbrojtje të Ligjit të Censurës.

Thënë më qartë, një shpifës del kundër shpifjeve.  Faktet se Taulant Balla është dënuar për shpifje janë kokëforta dhe të qarta, pasi mbajnë vulën e drejtësisë.

Në vitin 2015,  kreu i grupit parlamentar socialist Taulant Balla u shpall fajtor  nga Gjykata e Apelit për akuzën e shpifjes ndaj Shkëlzen Berishës, djalit të ish-kryeministrit Sali Berisha.

Bazuar në provat e paraqitura në proces, trupi gjykues e ka vlerësuar si fajtor, duke e dënuar me gjobë 1 milion lekë.

Mirëpo, kjo nuk është hera e parë që Balla paditej për shpifje.

Në vitin 2013 Gykata e Tiranës ka dënuar deputetin socialist, Taulant Balla për shpifje ndaj Jamarbër Malltezit.

Ky i fundit e kishte paditur Ballën për shpifje, padi e pranuar nga gjykata dhe për të cilën deputeti socialit është dënuar me 10 milionë lekë të vjetra.

Ndërsa sot, duke harruar me qëllim ose jo, shpifjet e lëshuara prej tij, del dhe bën avokatin e Ligjit të Censurës.

?Shpifja duhet luftuar, BE kanë marrë një sërë masash për të luftuar atë që quhet dezinformim?, ka deklaruar sot, lreu i grupit parlamentare të PS-së Taulant Balla.

Është e vërtetë që shpifja duhet luftuar, por a e ka pasur Taulant Balla, parasysh veten kur e ka bërë këtë deklaratë?

Vendimet e gjykatave që e etikojnë si shpifës, gjithnjë duke iu referuar dënimit, janë të pakontestueshme./CNA.al





Lajmet e fundit nga