web counter
LEXO PA REKLAMA!

SHKARKO APP

App Store
Google Play

Gjykata pushoi çështjen ndaj Bashës/ Paralajmëron Balla: Kush mendon se u mbyll e ka gabim

13 Janar 2020, 19:46, Politikë CNA

Kreu i grupit parlamentar të PS-së, Taulant Balla ka reaguar pas vendimit të Gjykatës së Tiranës për pushimin e çështjes ndaj Lulzim Bashës dhe dy zyrtarëve të tjerë të PD.

Në një reagim në rrjetet sociale, teska ka publikuar dhe një dokument (Kontrata Muzin-Basha), Balla shkruan se, kush mendon se kjo dosje e rëndë mund të mbyllet pa u hetuar në themel dhe, pa u marrë në pyetje gjithë persona e përfshirë, e ka gabim.

“Kjo nuk është një çështje vetëm e drejtësisë shqiptare.

Nxitimi i stimuluar i ndonjë prokurori dhe gjyqtari që nuk e ka kaluar procesin e vettingut dhe që zbaton parimin ?kap çfar të kapësh?, shfaqën sot këtë teatër të turpshëm për sytë e shqiptarëve dhe jo vetëm.

Këshilli i Lartë i Gjyqësorit dhe Këshilli i Lartë i Prokurorisë duhet të hetojnë gabimet procedurale me dashje, që çuan në këtë teatër të turpshëm, ku prokuroria hetoi 2 vite dhe gjykata e mbylli për 2 orë.

Apelimi i këtij vendimi absurd dhe rikthimi i çështjes për hetim të plotë duke dhënë edhe garancitë nga Gjykata për marrjen në pyetje të përfituesit të parave Nik Muzin, janë hapat e vetëm për të hedhur dritë e për të bërë drejtësi në këtë dosje të rëndë?, shkruan Balla në reagimin e plotë të tij./CNA.al





Lajmet e fundit nga