web counter
LEXO PA REKLAMA!

SHKARKO APP

App Store
Google Play

E fundit!

x

Presidenti Trump: Vrasja e Qassem Soleimanit, e vonuar

3 Janar 2020, 19:58, Kosova & Bota CNA

Presidenti amerikan, Donald Trump, doli në mbrojtje të vendimit për të sulmuar e vrarë gjeneralin më të fuqishëm të Iranit, duke injoruar kërcënimet e Teheranit për një hakmarrje të ashpër.

Në komentet e para të tij, citon radioja amerikane VOA, pasi zyrtarët amerikanë të mbrojtjes konfirmuan sulmin ajror në afërsi të aeroportit ndërkombëtar të Bagdadit të premten herët në mëngjes me orën lokale, zoti Trump fajësoi komandantin e forcës elitare “Quds” për vdekjen e mijëra amerikanëve dhe tha se sulmi ishte i vonuar.

“Gjenerali Qassem Soleimani ka vrarë apo plagosur rëndë me mijëra amerikanë gjatë një periudhe të gjatë kohore dhe po komplotonte të vriste shumë më tepër”, shkruante në një postim në Twitter të premten presidenti Trump.

“Soleimani ishte një figurë e urryer dhe e rrezikshme. Ai duhej të ishte hequr qafe vite më parë”, shkruan Trump, ndërkohë që më parë rreth vrasjes së gjeneralit Qassem u prononcuar dhe sekretari amerikan i shtetit Mike Pompeo.

Sipas të cilit: vrasja e gjeneralit iranian shmangu një ?sulm që pritej të ndodhte nga momenti në moment? kundër interesave amerikane, i plotësuar nga Departamenti amerikan i Mbrojtjes që shtoi se Soleimani “po hartonte në mënyrë vazhdueshme plane për të sulmuar diplomatët dhe anëtarët e shërbimit amerikan në Irak, si dhe në të gjithë rajonin…”.





Lajmet e fundit nga