E fundit!

13:44 Aktualitet

“Në emër të protestës”/ Tallje me flamurin shqiptar, anarkistët e zëvendësojnë me flamingon

Një grup me pikëpamje neomarksiste dhe anarkiste ka shkuar...

Propagandë në Kinë/ Festimet me dronë që nuk ndodhen për Vitin e Ri

3 Janar 2020, 15:25, Kosova & Bota CNA

Një shfaqje spektakolare me dronë ndriçuës është shfaqur për të mirëpritur Vitin e Ri në Shangai, mirëpo nuk ka ndodhur gjatë natës së ndërrimit të viteve.

Video e cila është përhapur botërisht me pretendimin se paraqet festimet që janë bërë në lumin Bund në Shangai, del se në të vërtetë është regjistruar me datë 28 dhjetor.

Pas ndërrimit të viteve, mediat kineze kanë bërë viral lajmin me pamje ku gati 2,000 dronë janë ngritur në qiell natën e ?së martës? dhe kanë ndriçuar lumin Bund në Komunën Shanghai të Kinës, për të mirëpritur Vitin e Ri.

Rreth mesnatës, dronët u mblodhën për të marrë formën e një njeriu duke vrapuar, gjë që simbolizonte ndryshimet e mëdha dhe arritjet e lavdishme që Shanghai ka bërë në 40 vitet e fundit të reformës dhe hapjes. Nga forma e një burri duke vrapuar, në qiell skicohet viti 2020. Pas bërjes së llogarive të fundvitit, shfaqja përfundoi me dronë që formuan personazhet kinezë të “Zhui Meng” .

Por siç raportoi faqja lokale e lajmeve në anglisht “The Shanghaiist”, njerëzit që vëzhgonin nga zona buzë lumit Bund, nga Pudong thanë se ata nuk panë asgjë në qiell gjatë natës së ndërrimit të viteve.

?Nuk ka pasur dronë. Jo asgjë”, raportuan banorët.

“Kjo ngjarje më tërheq vëmendjen sepse lajmet kineze janë 100% të rreme. Ne qëndruam jashtë natën e kaluar për një shfaqje që nuk ka ndodhur kurrë,” tha Patrick Cox, në Twitter.

Gazeta The Shanghaiist vuri në dukje se një video me saktësisht të njëjtën pamje është postuar më datë 29 dhjetor në të njëjtin ekran, atë të Yihang Bailu.

BBC kontaktoi kompaninë që qëndron pas ekranit, Yihang Bailu, menaxheri i mediave i të cilës pranoi se video e supozuar se është bërë natën e ndërrimit të viteve, ishte filmuar me datë 28 Dhjetor.

Menaxheri tha se ishte rregulluar nga stacioni televiziv lokal Shanghai Dragon Television “për të siguruar efektin global të transmetimit të drejtpërdrejtë”.

Doli gjithashtu se autoritetet lokale kishin postuar në llogaritë e tyre zyrtare të mediave sociale më 30 dhjetor se nuk do të kishte “asnjë aktivitet festimi të Vitit të Ri” në Bund këtë vit./Pështati nga BBC.com, CNA.al