web counter
LEXO PA REKLAMA!

SHKARKO APP

App Store
Google Play

E pazakontë/ Hodhi monedha "për fat të mirë" në motorin e një aeroplani

3 Janar 2020, 09:31, Kosova & Bota CNA

Një burrë kinez që po fluturonte me aeroplan për herë të parë është gjobitur për hedhjen e monedhave në motorin e aeroplanit në fjalë.

28-vjeçari u urdhërua të paguante 17,200 dollarë si kompensim monetar ndaj linjës ajrore të quajtur “Lucky Air”.

Avioni mund të rrezohej për shkak të monedhave që u gjetën përpara fluturimit në një prej motorëve të tij.

Lu Chao pranoi se i hodhi monedhat në motor ndërsa hipi për një fluturim në Aeroportin Anqing Tianzhushan, në Kinën lindore në shkurt të vitit 2019. Ai u shpreh se i hodhi monedhat ?për fat të mirë?. Chao u paraqit në gjykatë në korrik por aktvendimi u bë publik kohët e fundit.

Fluturimi u anullua pasi personeli vuri re dy monedha në njërin prej motorëve të avionit. Është kryer më pas kontrolli i sigurisë, duke lënë pasagjerët të bllokuar, pa mundësinë për të fluturuar.

Lu Chao u arrestua gjithashtu nga policia për 10 ditë, i akuzuar për prishje të rendit publik, por kjo u bë për të paguar kompensim përmes një çështjeje civile.

Në gjykatë, Lucky Air tha se incidenti i kishte kushtuar më shumë se 17.600 dollarë.

Chao, nga ana e tij, argumentoi në gjykatë se linja ajrore duhet të kishte paralajmëruar udhëtarët të mos hedhin monedha në motorët e aeroplanëve.

Nuk është hera e parë që pasagjerët bestytnë janë kapur duke hedhur monedha në motorët e aeroplanit.

Ka pasur një numër të rasteve të tilla gjatë viteve të fundit, përfshirë një pasagjer të moshuar që vonoi një fluturim në vitin 2017./Përshtati nga BBC.com, CNA.al





Lajmet e fundit nga