web counter
LEXO PA REKLAMA!

SHKARKO APP

App Store
Google Play

Presidenca kroate e BE/ Kryeministri: Hapja e negociatave me Shqipërinë dhe Maqedoninë, ambicia jonë

3 Janar 2020, 19:17, Kosova & Bota CNA

“Ne do të këmbëngulim për këtë. Ne shkojmë në mënyrë ambicioze në samitin e Zagrebit, me qëllimin e qartë për fillimin e negociatave me Shqipërinë dhe Maqedoninë e Veriut…?. Deklarata e fortë vjen nga kryeministri i Kroacisë, Andrej Plenkoviç.

I cituar nga Agjencia Telegrafike e Lajmeve, për deklaratën e mësipërme, Plenkoviç  i është referuar përvojës së Kroacisë duke shtuar se nuk shihet menjëherë hapi i ardhshëm kur negociohet për aderim. Menaxhimi ekonomik, sipas Plenkoviç, për momentin nuk është mjaft i dukshëm.

Duke iu rikthyer samitit BE-Ballkani Perëndimor, takim që do të mbahet në Zagreb, në muajin maj, Kryeministri kroat, thotë se “ka dëshirë të japë dy porosi të rëndësishme: E para, që në të gjitha samitet takimet të bëhen në mënyrë sistematike dhe, e dyta, që të bëhet gjithçka që është në metodologjinë për aderim në Union, pasi kjo shërben si nxitje më e madhe për vendet kandidate”.

Më 1 janar, Kroacia mori presidencën e radhës të Këshillit të Bashkimit Evropian nga Finlanda, gjashtë vjet e gjysmë pas hyrjes në union.

Fillimi i presidencës kroate do të bëhet zyrtarisht më 9 janar, kur anëtarët e Komisionit Evropian do të shkojnë në Zagreb ku, me këtë rast, do të mbahet edhe një koncert në Teatrin Kombëtar Kroat.

Një koncert do të mbahet gjithashtu në Bruksel, më 15 janar, për të shënuar fillimin e presidencës kroate dhe kjo do të përkojë me përvjetorët e njohjes ndërkombëtare të Kroacisë, më 15 janar 1992.

Më 9 janar Zagrebi do të presë një takim të Komisionit evropian nën kryesimin e presidentes, Ursula von der Leyen.

Presidenca e BE-së shihet si një mundësi edhe për ta bërë shoqërinë kroate më të ndjeshme ndaj temave të unionit.

?Një Evropë e fortë në një botë sfidash?, është slogani që Kroacia ka zgjedhur për presidencën e saj.
Programi i presidencës së saj në BE bazohet në katër shtylla: Një Evropë që po zhvillohet; Një Evropë që po lidhet; Një Evropë që po mbron dhe një Evropë me ndikim.

 





Lajmet e fundit nga