web counter
LEXO PA REKLAMA!

SHKARKO APP

App Store
Google Play

Shega, fruti i mrekullirave/ Ja sëmundjet që kuron me mjekime popullore

2 Janar 2020, 09:35, Aktualitet CNA

Shumë prej nesh e pëlqejnë frutin e shegës, por rrallëkush i di vlerat mjekësore që ajo ka. Shega është një frut që prodhohet gjerësisht në Shqipëri dhe ka si veti të kurojë shumë sëmundje.

Një problem shumë të madh që njerëzit hasin dhe është e vështirë ta kurojnë janë parazitët e zorrëve, të cilat shega mund t’i largojë, kryesisht ato të llojit të shiritit (cestdodëve). Për eleminimin e  tyre mund të përdoren lulet, gjethet, fruti dhe lëvorja. Lëvorja duhet zier në ujë, por shumë njerëz nuk preferojnë ta pijnë çajin e saj, pasi ka një shije jo shumë të këndshme dhe shkakton të vjella apo diare.

Lëngu i shegës për të kuruar parazitët, duhet të përgatitet në këtë mënyrë. Në një sasi uji hedhim disa lëvore të thata dhe lihen për 24 orë, më pas i ziejmë dhe i kullojmë. Për ta ëmbëlsuar mund të përdoret dhe pak sheqer.

Por, kjo nuk është e vetmja veti e shegës. Lulet e këtij fruti mund të shfrytëzohen për mjekimin e diaresë kronike, dhimbjeve të barkut, gjakderdhjes. Gjithashtu, lulet e shegës përdoren edhe për sëmundjet e gojës, mishrave të dhëmbëve, bajameve dhe të faringut, duke shpëlarë gojën me lëngun e tyre. Lëngu përgatitet me 20-30 gram lule shege me një litër ujë, valohen për 20 minuta dhe më pas lihet të ftohen dhe kullohen. Lëngu pihet 3-4 herë në ditë.

Në laboratorët farmakologjikë është provuar se shega ul presionin e gjakut, liron muskulaturën e lëmuar, ndërsa farat e këtij fruti kanë veprim hormonal estrogjenik./ CNA.al





Lajmet e fundit nga