Kujtesë Organizatës Politike/ Pse i duhen Shqipërisë filantropët humanistë

2 Janar 2020, 18:18, Opinione CNA

Nga Rigels Seliman

Organizata Politike, aktivistë, studentë, sindikalistë, OJQ, madje edhe parti politike prej disa kohësh kanë nisur një ofensivë ndaj Samir Mane, duke e sulmuar dhe akuzuar në mënyrën më histerike të mundshme. Në pamje të parë kjo pakicë qytetarësh deri diku naivë, duartrokasin dhe mbështesin këto sulme, pa e ditur se në një farë mënyrë target i këtyre sulmeve janë edhe ata vetë. Ndërkohë që, shumica e qytetarëve, pjesa e shëndoshë e shoqërisë shqiptare qëndrojnë indiferent dhe i kanë injoruar me forcë të madhe thirrjet dhe protestat anti-Mane. Mendoj se kjo ka qenë gjëja e duhur që kjo shumicë ka bërë, pasi të sulmosh Samir Manen, por edhe biznesmenët të tjerë të suksesshëm është “krim”. Po, po mos u habisni, sepse sulmet ndaj të ashtuquajturve “oligarkë” duhet të konsiderohen krim. Megjithatë, dikush pyet me të drejtë se përse duhet ndalur ofensiva ndaj zotit Mane? Përgjigjen do ta gjeni më poshtë të argumentuar, madje mjaft mirë. Kështu që, pa humbur kohë po hyjë në temë.

Unë jam një qytetar i thjeshtë i Shqipërisë së bukur dhe më besoni se Samir Manen dhe biznesmenë të tjerë nuk i njoh. Por gjithsesi nuk mund të qëndroja indiferent, duke dhënë edhe unë pikëpamjen tim ndaj këtyre fushatave anti-biznesmenë. Të sulmosh dhe akuzosh zotin Mane dhe bizneset e tij është njësoj si të sulmosh bukën që ushqehesh, apo të kafshosh dorën që të jep për të ngrënë. Nuk i kuptoj këto sulme dhe renditjen e bizneseve të tij, të cilët i ka ngritur në mënyrën më transparente të mundshme dhe me djersën e tij. Shqipëria është vend, ku ekonomia është e lirë dhe Samir Mane e shfrytëzoi terreni për të bërë biznes, duke punësuar mijëra e mijëra njerëz. Të gjithë punësuarit janë të kënaqur, edhe pse e mira nuk ka fund. Kështu që, thirrjet “bojkotoni Samir Manen” apo “Samir Mane shtyp puntorët” janë absurde. Aktivistët e sidomos shpurra e Organizatës Politike, pasi dështoi me kauzën false të studentëve i janë turrur zotit Mane, duke e shantazhuar, në mënyrë që të kapin ç’të kapin. Aktivistë të “OP” pretendojnë se Mane i shfrytëzon njerëzit dhe nuk u jep atë që meritojnë. Turp! Këto janë gënjeshtra dhe mashtrime ?ordinere? që bëhen për kredo politike dhe për interesa të ngushta. Madje, po aq e turpshme është fakti se si kreu i Organizatës Politike shfrytëzon studentë, duke i përdorur për të shpërndarë traktet. Në këtë pikë, këto fushata denigruese ndaj biznesmenëve të suksesshëm janë alarm fals, pasi njerëzit që janë punësuar në rrjetin e bizneseve të zotit Mane trajtohen konform rregullores dhe ligjeve në fuqi, duke marrë në fund të muajit atë që u takon.

Pra, akuzat e këtyre aktivistëve se “oligarku” Mane po i shfrytëzon punëtorët si “skllevër” modernë, në asnjë rast nuk qëndrojnë. Madje, kisha edhe një konstatim se Mane nuk i ka marrë me zor në punë njerëzit dhe se janë dakordësuar të dyja palët para se të nënshkruajnë kontratën e punës. Kështu që, pa u zgjatur, dua të theksoj se dikush duhet t’iu thotë aktivistëve, Organizatës Politike dhe pseudo sindikalistëve se Samir Mane nuk është oligark dhe se ky i fundit është një filantrop humanist për të cilin shqiptarët dhe Shqipëria ka shumë nevojë./CNA.al