web counter
LEXO PA REKLAMA!

SHKARKO APP

App Store
Google Play

E fundit!

x

Ditëlindja e babait si koncerti i Vjenës...

1 Janar 2020, 12:38, Opinione CNA

Nga Agim Xhafka

Sot fillimi i vitit,më sjell ndër mend koncertin e Vjenës,por edhe ditëlindjen e babait.
-Jam fare pa harxhe,-thoshte.-Ç’ngelet nga darka e 31 dhjetorit e përdorim për festën time.
Ndërsa në fakt nuk ndodhte krejt kështu. Ne, tre fëmijët dhe nëna,hanim si zogjtë natën e Vitit të Ri. Ckërmitnim ushqimin sipër e sipër. Gjoja sikur na përpinte muhabeti,vitet e mëvonshme televizori dhe…shkonim të flinim thuajse të pangopur.
Ama të nesërmen sa nuk e hanim njëri-tjetrin në drekë. Tavolina plot e urimet:
-Dhe njëqind babai ynë!
Ai përlotej. E kuptonte lojën,por nga që mungonin shumë gjëra në ato kohë bënte sikur nuk na e merrte vesh marifetin tonë. Aktor i mirëfilltë.
Ja pse ditëlindjet e tij i mbaj mend si festa të Vitit të Ri dhe si pamje e babagjyshit më ka ngelur në tru portreti i qeshur i babaxhanit tim.
Babagjyshi baba,gëzuar ditëlindjen! Më dëgjon? Na solle veç lumturi,se vitin e ri e festonim dy herë. Dy gëzime në dy ditë. Sot do ishe 89 vjeç. Shoh plot shokë të tu në shëtitje dhe kafe. Eh,ja që aq qe fati yt. Të ikje i ri. Fare i ri. Por edhe 100 kur të bëhesh do të të kujtoj,do të të uroj. Se të kam brenda vetes e s?ke ku më fshihesh. Jemi bërë njësh. Fluturimi yt qe simbolik. Të lidha pas vetes atë ditë të zezë dhe nuk të lashë të bëje çap tutje.
Gëzuar,baba! Gëzuar, o shoku im më i ngushtë…





Lajmet e fundit nga