web counter
LEXO PA REKLAMA!

SHKARKO APP

App Store
Google Play

Nga Mentor Kikia/ Presidenca si zyrë qokash!

29 Dhjetor 2019, 21:15, Opinione CNA

Presidenti Meta dekoroi dy ditë më parë një mjek, me titullin ?Për Merita të Veçanta Civile?. Sipas presidencës, mjeku hero Grei Malo, zbriti në terren menjëherë pas goditjes së tërmetit tragjik të 26 nëntorit, duke hyrë nën rrënoja e shpëtuar jetë njerëzish në të gjitha zonat e dëmtuara, dhe spikati me kontributin e tij të veçantë humanitar si anëtar i Qendrës Vullnetare të Emergjencave Civile, për shpëtimin e të riut Klajdi Qato.

Së pari, mirënjohje këtij mjeku, çdo mjeku e çdo zjarrfikësi, çdo polici e çdo specialisti shqiptar, kosovar, turk, italian, francez e serb, dhe çdo qytetari qe vuri koken ne rrezik per te shpetuar fqinjin. Pra, per te gjithe ata që punuan ato ditë të vështira dhe u shpëtuar jetën të paktën 47 njerëzve.

Po përse presidenti veçon një mjek dhe përmes tij një kompani? Çfarë bëri ai më shumë se ata që u futën gjithashtu nën kollonat e rrëzuara duke ndjekur qenin? Për çdo njeri të shpëtuar ka nga pas një hero. Për çdo viktimë të dalë nën tonelata beton e hekur, ka gjithashtu një hero. Por askush prej tyre, besoj, nuk pret dhe nuk ka pse meriton një dekoratë. Sepse në vendet nga vijnë, ata e quajnë mision këtë gjë.
Ne e quajmë heroizëm.
Nese do te flasim per dekorata, mendoj se me shume se mjeku apo nje zjarrfikes, e meriton nje qytetar, qe para se te vinte mjeku dhe zjarrfikesi u fut nen rrenoja e shpetoi dy njerez. Ai nuk ka dale as ne podiume, e as ne televizor.

Por kjo duket më shumë se sa abuzim me heroizmin. Përse presidenti në 7 rreshta text e thekson dy herë emrin e kompanisë që menaxhon këtë qendrën ku ishte aktivist mjeku? Pasi duhet ti jepet një përgjigje pyetjes: A ishte ky grupimi që dha më shumë kontribut në atë operacion, që meriton të thërritet i teri deri në zyren e kreut të shtetit e ti jepet një dekoratë?

Mbajeni dorën me këto dekorata Z.President, se është shndërruar presidenca në zyrë qokash!





Lajmet e fundit nga