E fundit!

21:36 Politikë

Protestuesit e larguan nga protesta/ Zmbrapset Shehaj

Një ditë më parë protestuesit e larguan nga protesta kreun...

Nga Bledi Mane/ Agroni, Thomai dhe Edi maskarai!

26 Dhjetor 2019, 16:07, Opinione CNA

Emrin e vërtetë e ka Kong Qiu por ndër qindra vite e njohim me emrin Konfuc. Filozof dhe shkrimtar gjigand i lindur në Shandong të Kinës. I njohur me idiomën e tij “çdo e keqe ka një të mirë”.
Ndryshe nga Konfuci, demokrati Agron Tufa, ka lindur në Dibër ndërsa Thoma Gëllçi, gazetari, në Kolonjë lindi.
Përballë dy militantëve pleq shqiptarë vura filozofin kinez për të ilustruar sot këtë shkrim. Çdo e keqe ka një të mirë dhe ashtu ndodhi.
Zvicra mëkatare na mori me azil politik Agron Tufën. Loti i nënës Shqipëri rodhi nga qerpiku poshtë mollëzave me silikon e ndërsa po u afrohej buzëve të trasha të atdheut, qëndroi për një çast. Zvicra na rrëmbeu Agronin por Amerika na e thau lotin. Buzëqeshja rilindi dhe nga matanë oqeanit na erdhi Thomai, Thoma Gëllçi. Vendi nuk mbeti bosh, brenga u fashit.
2./
Agron Tufa, një shkrimtar që ka botuar 11 libra dhe ka 7 lexues u arratis nga Shqipëria me pretendime se e kërcënonin. Pedagog dhe zyrtar i çdo qeverie, pavarësisht se aktronte si opozitar, u përkëdhel 6 vitet e fundit me dy vende pune, 3 anëtarësime bordesh dhe me projekte të financuara nga qeveria socialiste. Ish drejtori i Institutit të Studimeve Antikomuniste përlau këto 6 vjet rreth 86 mijë euro rroga, 18 mijë euro honorare dhe 130 mijë euro projekte nga shoqja e tij ish ministre kulture Mirela Kumbaro. U arratis si dikur bossët e fajdeve të ’97 sepse nuk kishte çfarë ti miklonte më Shqipërisë.
3./
Iku Agroni por ne kemi Thomain. Gëllçi, ish gazetari komunist me pasaportë amerikane drejton prej vitesh Televizionin Publik Shqiptar. Çdo muaj çdo familje shqiptare paguan 1000 lekë për të (mos)ndjekur dallavaret televizive të televizionit më të pandjekur në vend. Me një rrogë të frikshme prej më shumë se 2 milionë lekësh në muaj, Thoma Gëllçi menaxhon një buxhet prej 130 milionë eurosh në vit. E përkthyer në 5 vite drejtim institucioni, televizioni i Thoma Gëllçit ka përlarë deri tani më tepër se gjysëm miliardë euro dhe më thoni, u ka mbetur në mendje ndonjë program televiziv nga ky gjigand mediatik?
Ah, për pak harrova. Festivali i fundvitit ku plasi sherri për këngët e Elvana Gjatës dhe Arilena Arrës. U zinë e u grinë për 3 pikët e jurisë, imagjinoni sesi kacafyten për miliona euro të taksave tona?
4./
Dhe Edi Rama ngërdheshet. Kryeministri që fut hundët dhe të intimidon edhe për një koment në facebook, hiqet sikur respekton pavarësinë e institucioneve të pavarura. Nuk ndërhyn aspak legalisht nëpërmjet mekanizmave që ia njeh ligji por e ka mendjen te Luli, Vuçiçi, Ramushi, Albini.
Gjurmët, gjurmët por ujqërit po bëjnë namin. Agroni iku me thasët me lekë, pas Agronit do iki dhe Thomai.
Ti shqiptar i ndershëm pavarësisht se nuk e shikon televizionin publik, nuk ndjek as lajme se të la tërmeti rrugëve duhet të vazhdosh të paguash taksat!!!