web counter
LEXO PA REKLAMA!

SHKARKO APP

App Store
Google Play

E fundit!

x

Si humori e bën jetën më të lehtë/ Këshilla nga psikologu Frankl

31 Dhjetor 2019, 23:20, Blog CNA

Humori nuk është thjeshtë një mjet për të prodhuar situata të këndshme, por mund të ndihmojë njeriu ta përballojë jetën më lehtësisht, që të shohë të mirën në situata në dukje të pashpresa, që të zbusë ?seriozitetin? herë herë të tepruar me situata që më tepër janë të rënduara së jashtmi dhe që rezultojnë të jenë kalimtare.

Filozofi dhe psikologu Viktor Emil Frankl, përmes shkrimeve të tij ka ndarë reflektimet e tij mbi dobinë që ka fenomeni i humorit në jetën e njeriut.

Duke reflektuar mbi veprimet e brendshme të rebelimit me të cilat të burgosurit ruajtën dinjitetin, mendjen e shëndoshë dhe gjallërinë për jetën në kampin e përqendrimit , duke bërë art në fshehtësi, duke lexuar libra të kontrabanduar , Frankl shkruan:

?Humori ishte një nga armët e shpirtit në luftën për ruajtjen e vetvetes.Dihet se humori, më shumë se gjithçka tjetër në përbërjen njerëzore, mund të lejojë që të ngrihesh mbi çdo situatë, edhe nëse vetëm për disa sekonda.

Viktor Emil Frankl ishte një neurolog, filozof dhe psikiatër austriak, i cili i ka mbijetuar nga Holokausti, në kampe përqëndrimi si Theresienstadt, Auschwitz, Kaufering dhe Türkheim.

Frankl tregon se si përvoja e tij në kampin e përqendrimit, mund të përcjellë ngushëllim për luftën njerëzore:

“Përpjekja për të zhvilluar një sens humori dhe për t’i parë gjërat në një dritë humori është një lloj mashtrimi që mëson atëherë kur zotëron artin e të jetuarit. Përmes humorit, arti i të jetuarit mund të paktikohet akoma edhe në një kamp përqendrimi, megjithë vuajtjet e kudondodhura.”

Të gjesh humor në rrethanat më të vështira nuk është vetëm një mjet mbijetese, por një veprim suprem i krijimtarisë dhe një pohim i lirisë personale, siç ishte vetë liria e Frankl.

?Çdo gjë mund të merret nga një njeri, përveç diçkaje: liria e tij. Të zgjedhësh një qëndrim individual dhe të pakompromis në çdo rrethanë, të zgjedhësh mënyrën tënde?, shkruan Frankl.

Kjo liri shpirtërore e bën jetën më kuptimplotë dhe të qëllimshme. Një jetë aktive i shërben qëllimit për t’i dhënë njeriut mundësinë për të realizuar një punë krijuese, ndërsa një jetë nga e cila merr kënaqësi i jep mundësinë për të arritur përmbushje në përjetimin e bukurisë, artit ose natyrës. Por ka qëllim edhe në një jetë që nuk prek as anën e krijimit dhe as të kënaqësisë, por prodhon një sjellje morali të lartë: domethënë, një qëndrimin të njeriut ndaj ekzistencës së tij, një ekzistencë e kufizuar nga forcat e jashtme./Përshtati nga brainpickings.org, CNA.al





Lajmet e fundit nga