Moti i ftohtë/ Si të parandaloni virozat

1 Janar 2020, 00:40, Aktualitet CNA

Tani që dimri na ka mbërthyer më së miri, shanset tuaja për të rënë pre e gripit. Por, ajo çfarë nuk dijmë është se, nuk është vetëm moti i fohtë që sjell pasojat e gripit, por edhe mënyra se si reagoni ndaj tij. Për këtë, ekzistojnë disa ?manovra?, për t?ju ndihmuar që të parandaloni gripin.

Lani duart

Lani duart shpesh. Viruset që shkaktojnë ftohjen dhe gripin sezonal përhapen zakonisht kur një person i infektuar kollitet, nga teshtitjet ose bisedimet. Virusi është në ajër dhe futet në trupin tuaj përmes hundës ose gojës, ose nga duart tuaja pasi të keni prekur një objekt të kontaminuar me virusin. Për shembull, nëse ndani një telefon ose një tastierë kompjuteri, ose prekni dorezat e dyerve publike dhe vendosni duart afër fytyrës tuaj, virusi mund të hyjë në gojë ose hundë.
Larja e duarve për të paktën 20 sekonda duke përdorur sapun dhe ujë është më e mira për pastrimin e viruseve nga duart tuaja. Nëse nuk keni akses në sapun dhe ujë, konsideroni të mbani me vete një pastrues dore me bazë alkooli.

Përdorini facoletat vetëm një herë

Pasi të jeni fshirë, mos i lini facoletat e përdorura përsëri në xhep. Hidhini ato menjëherë!

Shmang kontaktin me të infektuarit

Shmangni kontaktin e ngushtë me njerëzit që janë të sëmurë. Qëndroni në shtëpi nëse jeni të sëmurë për të parandaluar përhapjen e virusit tuaj. Kur kolliteni ose teshtitni, mbuloni gojën dhe hundën me një facoletë.

Praktikoni zakone të mira shëndetësore

CDC rekomandon që të ndiqni këshilla të përgjithshme për të qëndruar të shëndetshëm. Këto sugjerime përfshijnë: jini aktiv fizikisht, menaxhoni stresin, pini shumë lëngje dhe hani ushqime të shëndetshme.

Flini mjaftueshëm gjumë

“Të fjeturit sa duhet është një zakon i mirë për funksionimin optimal të sistemit imunitar dhe për të parandaluar viruset e frymëmarrjes si gripi”, thotë Dr. Adalja. Një person i rritur duhet të flejë mesatarisht 7 – 9 orë gjumë, në natë.

Konsumoni më shumë proteina

Dhe, së fundi, një studim në Gazetën e Sëmundjeve Infektive tregon se dietat me pak proteina mund të dobësojnë sistemin imunitar. Pra, shtoni ushqime të pasura me proteina të tilla si qumështi, kosi, vezët dhe peshku në menunë tuaj të përditshme./CNA.al