web counter
LEXO PA REKLAMA!

SHKARKO APP

App Store
Google Play

Basha propozon 5 pika për rimëkëmbjen e bizneseve pas tërmetit/ Duhen zbatuar menjëherë

7 Dhjetor 2019, 15:49, Politikë CNA

Kryetari i opozitës Lulzim Basha ka prezantuar sot 5 masa që sipas tij duhet të merren menjëherë ndaj biznesit të dëmtuar materialisht dhe financiarisht nga tërmeti.
Basha inspektoi sot disa prej sipërmarrjeve në Durrës, ndërsa pasditen e djeshme u takua me përfaqësues të Asamblesë së Dhomës së Tregëtisë dhe Industrisë së Durrësit.
Kryedemokrati bën me dije se pas konsultës me përfaqësuesit e Asamblesë së Dhomës së Tregëtisë dhe Industrisë së Durrësit, me ekipin ekonomik të Partisë Demokratike, opozitën e bashkuar dhe ekspertë të fushës, ka vendosur të propozojë 5 pika, për të cilat pretendon se do të ndihmojnë bizneset të rimëkëmben.
Basha i bën thirrje sistemit bankar të riskedulojnë këstet e kredive në periudhën e rindërtimit për operatorët ekonomikë në zonat e prekura.
5 pikat e propozuara nga Basha janë:
1. Përjashtim nga taksa e pronës dhe nga të gjitha taksat dhe tarifat vendore gjatë periudhës së rindërtimit për të gjithë operatorët ekonomikë me aktivitet në zonat e prekura.
2. Përjashtimin nga tatim fitimi për të gjitha subjektet që e ri-investojnë fitimin për të rikuperuar dëmet e tërmetit.
3. Pezullimin e kontributeve të sigurimeve shoqërore dhe shëndetësore për periudhën deri në rikuperimin e dëmeve dhe pagesat e shtyra të kryhen me këste pas periudhës së rikuperimit.
4. Përjashtimin nga tvsh për të gjitha materialet, lëndët e para, mjetet kapitale që përdoren për rikuperimin e dëmeve.
5. Pezullimin dhe fshirjen e pagesave të faturave të energjisë dhe të ujit gjatë kohës së gjendjes së fatkeqësisë natyrore./ CNA.al





Lajmet e fundit nga