web counter
LEXO PA REKLAMA!

SHKARKO APP

App Store
Google Play

E fundit!

x

Presidenca reagon për mohimin e masakrës së Reçakut/ Apel të fortë ndërkombëtarëve, gjaku nuk bëhet ujë

7 Dhjetor 2019, 09:56, Politikë CNA

Zëdhënësi i Presidencës, Tedi Blushi ka reaguar ndaj deklaratave të Presidentit të Serbisë, Aleksandër Vuçiç dhe Ministrit të Punëve të Jashtme, Ivica Daçiç për mohimin e masakrës së Reçakut.

Në një postim në rrjetet sociale, Blushi shkruan se gjaku i Reçakut nuk mund të bëhet ujë, ndërsa thekson se ish-zëdhënësat e xhelatit Millosheviç nuk mund të guxojnë më të përbuzin dhe të fyejnë viktimat e pafajshme.

?Gjaku i Reçakut nuk bëhet ujë!
Ish-zëdhënësat e xhelatit Millosheviç dhe regjimit të tij mizor që tronditi botën me krimet monstruoze nuk mund të guxojnë më të përbuzin dhe të fyejnë viktimat e pafajshme, me deklarata të papërgjegjshme reminishencash naziskine!?-shkruan Blushi.

Më tej, ai thekson se faktori ndërkombëtar duhet t’i japë përgjigjen e merituar çdo provokimi ndaj paqes e stabilitetit në rajonin tonë që i ka ende të freskëta plagët e përgjakshme të luftës.
?Krimi mbetet krim! As harrohet, as vjetërohet! Sepse popujt me kujtesë të shkurtër janë të destinuar të mbeten pa histori dhe pa të ardhme!
Mirënjohje përjetë ambasadorit Ëalker për zbulimin dhe denoncimin para gjithë botës së Masakrës së Reçakut!
LAVDI TË PËRJETSHME MARTIRËVE TË KOSOVËS!?-përfundon postimin e tij zëdhënësi i Presidencës./ CNA.al





Lajmet e fundit nga