web counter
LEXO PA REKLAMA!

SHKARKO APP

App Store
Google Play

Rama nuk i ndahet “KÇK”-së/ Mund të kemi surpriza

7 Dhjetor 2019, 07:13, Politikë CNA

Kryeministri Edi Rama gjatë mbledhjes së sotme të kabinetit qeveritar, ka vënë sërish theksin tek puna për rindërtimin e lagjeve të reja.

Rama tha se puna duhet të nisë shumë shpejt dhe po ashtu edhe verifikimi i tokave ku ato do të ndërtohen.

?Menjëherë drejtuesi i Entit duhet të vihet në dispozicion të programit. Qoftë nga pikëpamja e planeve, projekteve, duhet të integrohet në programin e rindërtimit. Puna për ligjin e posaçëm për rindërtimin po ecën. Koha është e ngushtë, kështu që në 19 duhet të kalojmë ligjin e posaçëm. Duhet përgatitur për parlamentin dhe një kërkesë për shtyrjen e periudhës së emergjencës, në mënyrë që të kemi një fokus të detyrueshëm për të gjitha institucionet. Duhet të përgatiten të dhënat se ku do të ndërtohet.?-tha kreu i qeverisë.

Por, ndërkohë Rama nuk la pa sulmuar dhe atë që ai e quan grupi ?KÇK?, ?Kap Ça të kapësh?, term me të cilin iu referohet prokurorëve dhe gjyqtarëve të korruptuar, që sipas tij e dinë që do të shkarkohen nga Vetingu.

Rama theksoi se pavarësisht faktit që ajo mund të jetë tokë shtetërore, mund të ketë raste që mund të jetë grabitur.

?I jemi referuar pronës tokë-shtet, por KÇK ka bërë të veten, në kohën kur kemi bërë punë të tjera në gjithë këtë kohë dhe duhet verifikuar në hipotekë çdo pronë. Që mos të gjendemi me surpriza, kur të shohim që është tokë e cënuar dhe e kafshuar nga KÇK. Raporti duhet të jetë gati javën që vjen.?, u shpreh Rama./ CNA.al





Lajmet e fundit nga