E fundit!

22:07 Kronika

Detaje nga të shtënat me armë në Sarandë/ Dyshohet për atentat

Një ngjarje e rëndë ka ndodhur në Sarandë mbrëmjen e kësaj...

“Policët dhurojnë 104 milionë lekë për të prekurit nga tërmeti”/ Ardi Veliu: Rrezikuan edhe jetën e tyre

6 Dhjetor 2019, 14:49, Politikë CNA

Drejtori i Përgjithshëm i Policisë së Shteit, Ardi Veliu ka bërë me dije se mbi 4000 forca policie u angazhuan pas rënies së tërmetit të 26 nëntorit.

Sipas Veliut, efektivët e policisë janë përfshirë në operacionet e kërkim-shpëtimit, dhënia e ndihmës së parë për njerëzit që kishin nevojë, garantimin e rendit dhe sigurisë, disiplinimin e qarkullimit duke i dhënë përparësi qarkullimit të ambulancave dhe ekipeve të zjarrfikëseve si dhe sigurimin e pronës së qytetarëve dhe ruajtjen e objekteve të dëmtuara, për të mos lejuar futjen e banorëve për shkaqe sigurie.

Veliu ka shprehur falenderime për forcat special Renea, FNSH-të e Tiranës, Shkodrës e Fierit, Drejtoritë Vendore të Policisë Durrës ,Tiranë dhe Lezhë për profesionalizmin dhe ndjenjën e lartë të humanizmit duke rrezikuar edhe jetën e tyre, të cilët u përfshinë drejtpërdrejt të parët në operacionet e kërkim-shpëtimit.

?Falë ndërhyrjes së tyre, në bashkëpunim edhe me skuadrat e zjarrfikëseve dhe ushtrinë u shpëtuan 39 jetë njerëzish, që kishin mbetur poshtë rrënojave. Më pas, duke bashkëpunuar edhe me grupet speciale të vendeve mike, u bë i mundur edhe shpëtimi i disa personave të tjerë. Forcat Renea dhe FNSH-ja në kushte të vështira dhe të rrezikshme për sigurinë e jetës së tyre vijuan operacionet për nxjerrjen e trupave nga rrënojat dhe për këtë ata sot meritojnë mirënjohjen dhe respektin e gjithë organizatës së Policisë, por edhe të gjithë qytetarëve?, u shpreh Veliu.

Më tej Veliu bëri me dije se punonjësite policisë kontibuan me vullnet sipas mundësive duke bërë të mundur mbledhjen e shumës 104 milion e 350 mijë lekë, e cila u depozitua ne platformën e-Albania.

?Me këtë rast, duke përfituar nga ky komunikim publik, dua të falënderoj një për një, të gjithë punonjësit e Policisë, por edhe familjet e tyre që kontribuuan me vullnet sipas mundësive duke bërë të mundur mbledhjen e shumës 104 milion e 350 mijë lekë, e cila u depozitua ne platformën e-Albania. Mirëkuptoj edhe 2016 punonjësit e Policisë që nuk kanë kontribuuar me vlera monetare, pasi nuk kanë pasur mundësi?, tha Veliu në një konferencë për shtyp./CNA.al