web counter
LEXO PA REKLAMA!

SHKARKO APP

App Store
Google Play

Turqia do të ndërtojë 500 banesa për të pastrehët/ Ambasadori Yoruk: Projekti do vihet sa më parë në zbatim

6 Dhjetor 2019, 13:47, Politikë CNA

Ministrja e Kulturës Elva Margariti ka pritur sot Ambasadorin turk Yoruk për të diskutuar mbi çështhjet e situatës pas termetit dhe ndihmës së dhënë nga ana e shtetit turk.

Në këtë takim, Margariti theksoi se prioritet ka rindërtimi dhe vënia e theksit tek zonat rurale.

Ambasadori turk Yoruk, nga ana e tij, ka shprehur falenderimet për bashkëpunimin e Ministres me projektin e shtetit turk për rindërtimin e zonave të rrënuara.

Ai ka thënë se Turqia ka provuar vetë fatkeqësi prej termetit, gjë që i bën që si popull ta kuptojnë psikologjinë e rënduar të personave që kanë ngelur të pastrehë.

Ai ka deklaruar se do të rindërtohen 500 banesa nga ana e shtetit turk. Për zonat ku këto banesa do të ndërtohen dhe për detaje të tjera të këtij lloji, Kryeministri Rama do të takojë presidentin turk për t?i diskutuar. Yoruk theksoi se projekti për strehimin  e të pastehëve do të vihet në punë sa më shpejt.

?Faleminderit për pjesëmarrjen, falenderoj Minstren për bashkëpunimin në këtë projekt. Turqia ka provuar fatkeqësi të termeteve dhe e dimë psikologjinë që krijohet. Të gjitha institucionet përkatëse të qeverisë janë mobilizuar për këtë projekt dhe kanë dalë në terren. Jemi mobilizuar për të ndihmuar shtetin shqiptar me të gjitha mundësitë që kemi. Turqia ka vendosur të kontribuojë me rindërtimin e 500 banesave. Rama me gjasa do të jetë në Turqi këtë fundjavë ku me presidentin turk do të diskutojnë mbi çështjet e rindërtimit. Do ta realizojmë këtë projekt sa më shpejt për strehimin nga termeti?, është shprehur Ambasadori turk./ CNA.al





Lajmet e fundit nga