web counter
LEXO PA REKLAMA!

SHKARKO APP

App Store
Google Play

E fundit!

x

Malaj i bën thirrje Qeverisë/ Të bëhet transparente lista e shkollave të dëmtuara, fëmijët nuk kanë garanci për jetën

7 Dhjetor 2019, 11:44, Politikë CNA

Ish-deputetja e LSI, Nora Malaj, i ka bërë thirrje qeverisë që të hartojë në mënyrë emergjente një plan i cili do të garantojë sigurinë e nxënësve për kthimin e tyre nëpër shkolla, pasi shumë prej shkollave janë dëmtuar.

Nisur nga rasti i shkollës së shembur në fshatin Bubq, në një konferencë për shtyp nga selia e LSI, ajo është shprehur se këto janë pasoja të termetit të 21 shtatorit, pas të cilit nuk është bërë asnjë inspektim dhe kontroll dhe nuk është marrë asnjë masë për sigurinë që nxënësit mund të kenë brenda këtyre ndërtesave. Shembja e shkollës në Bubq, sipas Malajt, është shkaktuar nga indiferenca dhe paaftësia e Ministrisë së Arsimit dhe Sportit për të marrë masat e duhura. Po tani, pyet ajo, a janë nxënësit të garantuar për sigurinë e tyre?

?Inidiferenca dhe paftësia për masat që Ministria e Arsimit duhet të merrte dhe nuk mori prodhoi shembjen. Ku është garancia e qeverisë për sigurinë e nxënësve? Tani që shkolla do të rinisë, si do të sigurohen prindërit kur pas termetit të shtatorit Ministia e Arsimit nuk mori asnjë masë për të garantuar siguri maksimale? Kush do të mbajë përgjegjësi për këtë situate ku jemi vendosur para fakteve? Nësë 21 shtatori kaloi, termeti i rradhës nxori zbuluar se çfarë është bërë me ndërtesat që kishin pësuar dëmtime??, shprehet Malaj.

Një ndër shqetësimet kryesore që ngriti Malaj është mungesa e transparences pasi nuk është publikuar asnjë e dhënë mbi listen e shkollave, çerdheve dhe kopshteve të dëmtuara nga termeti i 26 nëntorit. Një listë e publikuar përfshin 30 me 40 shkolla të dëmtuara, por ende nuk dihet se cilat janë ato shkolla.

?A janë marrë verifikimet nga ekspertet për listat e shkollave të prekura, po siguria për fillimin dhe mbarëvajtjen e procesit mësimor? Po masat për pajisje me shkallë emergjente? 30 ose 40 shkolla të dëmtuara, cilat janë, si do të veprohet për riparimet, kur do të funksionojnë? Ministria e Arsimit ende nuk ka bërë transparente listen e shkollave dhe çerdheve që kanë pesuar dëme? ka thënë ajo.

Gjithashtu, Malaj ka ngritur problematikën e mënyrës së si do të operohet me fëmijët që ndodhen në qendra pritëse, a do të marrin mësim, si do të marrin mësim, kush do të financojë transportin nëse do të ketë një të tillë. Me problematika të këtij lloji, Malaj kërkon llogari për mungesën e hartimit të një plani konkret që nxënësit të shkollohen të siguruar dhe të garantuar për jetën e tyre.

?Si do të operohet me nxënësit, cili është plani për fëmijët në qendra pritëse, si do të operohet për zhvendosjen e fëmijëve nga qendrat e improvizuara drejt shkolles, kush do paguajë shpenzimet??, është shprehur Malaj.

Në fund Malaj ka bërë thirrje që jo vetëm nxënësit, por edhe prindërit dhe mësuesit duhet të marrin një edukimin në mënyrë që të menaxhojnë psikologjinë pas traumatike të fëmijëve të prekur nga termeti.

?A e ka mbledhur këshillin e prindërve për të bërë me dije planin për mbarëvajtjen e kësaj situate të jashtëzakonshme, a ka trajnuar mësuesit si do të menaxhohet pas trauma, si do të operohet për nevojat dhe të drejtën kushtetuese për të krijuar një mjedis mbrojtës??, ka folur Malaj.

Në fund të fjalimit të saj, Malaj ka kërkuar transparence të menjëhershme të listave të Shkollës.

?Transparenca e menjëhershme e listave të shkollave, shpërndarja e librave falas, garanci për mbarëvajtje në shkollë, programe të dedikuara me transparence të plotë, procese këshillimi. Ka nevojë për një plan veprimi me mekanizma të qarta për të dhënë garanci?, ka përfunduar ajo./ CNA.al





Lajmet e fundit nga