web counter
LEXO PA REKLAMA!

SHKARKO APP

App Store
Google Play

Qeveria fsheh të vërtetën për humbjen e jetës së 24 njerëzve në Thumanë/ Braçe dhe Bushi kapen në mashtrim

7 Dhjetor 2019, 11:08, Politikë CNA

Sekretari i Përgjithshëm i Partisë Demokratike, Gazmend Bardhi ka hedhur akuza të forta sot në drejtim të zv.kryeministrit Erion Braçe dhe kryebashkiakut të Krujës, Artuir Bushi.

Në një deklaratë për mediat, Bardhi tha se qeveria po bën propagandë për të lënë në harresë viktimat e 26 nëntorit, ndërsa thekson se tragjedia e Thumanës ishte e paralajmëruar.

?Ka një përpjekje kriminale të Qeverisë për të lënë në harresë viktimat e 26 nëntorit dhe për t?i mbuluar ato me spektakël të pashpirt propagandistik.

Ka një përpjekje të Edi Ramës dhe bashkëpunëtorëve të tij për të fshehur të vërtetën se tragjedia e Thumanës ka qenë e paralajmëruar!?-tha Bardhi.

Më tej, ai thekson se ?Dy ditë pas tërmetit, Erion Braçe dhe Artur Bushi japin 2 përgjigje të ndryshme, nëse pallatet ishin shpallur apo jo të banueshme pas 21 Shtatorit. Kjo do të thotë se ata po fshehin të vërtetën, po përpiqen ta shtrembërojnë për të shpëtuar nga përgjegjësia.?

Po ashtu, Bardhi bën të ditur se Për të bërë drejtësi për 24 njerëzit që humbën jetën nga shembja e dy pallateve, Partia Demokratike ka kërkuar zyrtarisht përgjigje për masat e marra për sigurinë e banorëve nga qeveria dhe Bashkia e Krujës pas tërmetit të 21 Shtatorit.

?Deri tani, qeveria ka heshtur dhe është fshehur pas spektaklit kriminal të kreut të saj, i cili nuk kursen as fëmijët e mbijetuar.

Ne nuk do të heshtim derisa të bëhet #DREJTËSI për viktimat e 26 Nëntorit!?-përfundon deklarata./ CNA.al





Lajmet e fundit nga