web counter
LEXO PA REKLAMA!

SHKARKO APP

App Store
Google Play

E fundit!

x

Pasojat katastrofike të tërmetit/ Dhjetë pyetje që “vënë me shpatulla pas muri” Ramën

7 Dhjetor 2019, 14:28, Politikë CNA

Ish-kreu i grupit parlamentar të LSI-së, Petrit Vasili e ka cilësuar tërmetin e 26 nëntorit, si kronikë e një fatkeqësie të paralajmëruar që në 21 shtator.

Në një deklaratë për mediat, Vasili akuzoi qeverinë se fshehu të vërtetën e dëmeve të shkaktuara nga tërmeti i 21 shtatorit.

?Tragjedia e 26 nëntorit ishte kronikë e një fatkeqësie të paralajmëruar. Situata u fshe nga një qeveri arrogante dhe e paaftë. Shqiptarët e kuptuan se nuk kishin një qeveri që i mbron?-tha Vasili.

Më tej, sih-deputeti i LSI, tha se shqiptarët sot kërkojnë që kryeministri Edi Rama t?iu përgjigjet dhjetë pyetjeve të mëposhtme:

?Pse nuk shpalli gjendjen e fatkeqësisë natyrorë në 21 shtator, kur dëmet ishin relativisht të mëdha?

Pse nuk izoloi ndërtesat e dëmtuara rëndë dhe tepër të rrezikuara?

Pse nuk evakuoi banorët në ndërtesat e rrezikuara ?

Pse nuk mobilizoi një ekspertë ndërkombëtare për të bërë vlerësimin e situatës?

Pse nuk mori asnjë masë për plotësimin e rezervave të shtetit?

Pse nuk iu drejtua për ndihmë asnjë shteti apo institucioni ndërkombëtar për të pajisur ekipet e kërkim-shpëtimit?

Pse nuk ishte ngritur Agjencia Kombëtare e Emergjencave Civile?

Pse nuk u morën në konsideratë kërkesat e Presidentit për gatishmërinë e situatës emergjente?

Pse u deklaruan të sigurta pa ekspertizë shkollat, çerdhet dhe kopshtet?

Pse prishja e banesave kryhet me nxititm dhe duke fshehur provat që do nxirrnin para ligjit përgjegjësit??

Po ashtu Vasili, theksoi se rindërtimi duhet të fillojë me denomtinin e qeverisë së paaftë dhe propagandës rilindase.





Lajmet e fundit nga