web counter
LEXO PA REKLAMA!

SHKARKO APP

App Store
Google Play

Olli zbulon detajet e frikshme/ Si Rama po tenton të amnistojë fajtorët e tragjedisë

2 Dhjetor 2019, 11:53, Politikë CNA

Anëtari i bordit Drejtues të Bindjes Demokratike, Leonard Olli ka reaguar me tone mjaft kritike në drejtim të kryeministrit Edi Rama, pas fjalës së këtij të fundit në mbledhjen e sotme të qeverisë.

Në një postim në rrjetet sociale, Olli shkruan se në fakt ajo çfarë po tenton të bëjë Rama, është të amnistojë përgjegjësit e katastrofës së 26 nëntorit.

?Që kjo qeveri e ky timonier nuk dinë nga shkojnë këtë e ka kuptuar i madh e i vogël! Që janë të korruptuar deri në qelizë dhe nuk duan të bëjnë shtet edhe këtë e di i madh e i vogël… Kur kërcënoi ndërtuesit për herë të parë, dukej që ishte lajthitje prej të paafti. Kur përësriti sot u kuptua qartë që po tenton të amnistinë fajtorët.

Të kërkosh të riparosh në këmbim të mos dënimit, do të thotë se je vetëshpallur mbret që e konsideron veten gjykatës suprem.

Por mbi të gjitha duket qartë që më këtë gjoja kërcënim po kërkon publikisht të amnistojë ata që më ndërgjegje kanë ndërtuar kaq dobët.?-shkruan Olli.

Më tej, ai thekson se duhet të jenë eksperët ata që do të bëjnë vlerësimet, dhe prokuroria nuk duhet të lejonte shembjen e asnjë godine, para se të bëhej akt-ekspertiza.

?E megjithatë unë nuk guxoj të akuzoj kënd jo se kam frikë, por sepse besoj te ekspertët që do përcaktojnë shkaqet dhe proceset e gjykimit.

Ndërkohë prokuroria duhej të kishte filluar që ditën e parë hetimet kryesisht dhe të ndalojë shembje e çdo godine para se të bëhet akt-ekspertiza.

Ndryshe ata që morën jetë do të bëhen të paprekshëm dhe do të vrasin sërish. Nuk ka pse shpikim, për fat të keq ka mjaft vende që kanë kaluar tragjedi të tilla dhe mund të shërbejnë si shembull në çdo drejtim, nga gjykimi, ndëshkimi e deri në rimëkëmbjen e çdo individi. Çdo akt tjetër është demagogji për të mbuluar krimin dhe paaftësinë!?-përfundon postimin e tij Leonard Olli./ CNA.al





Lajmet e fundit nga