"Turp, pusho, mbyllja mikrofonin"/ Demalia përplaset 'live' me zv. ministren e Brendshme

1 Dhjetor 2019, 21:56, Politikë CNA

Gazetari Ilir Demalia është përfshirë në një debat të ashpër me zëvendës ministren e Brendshme Rovena Voda, ndërsa në studio diskutohej menaxhimi i situatës pas tërmetit shkatërrues të 26 nëntorit.

Ndërsa, Voda u shpreh se autoritetet shtetërore po vijojnë me monitorimin e vazhdueshëm të situatës, i ftuar në një lidhje live në studion e RTV Ora mbrëmen e sotme, Demalia ka hedhur akuza ndaj qeverisë aktuale për keqmenaxhim e kësaj situate.

Duke theksuar se forcat kosovare ishin më të pregatitura se FA, Demalia ka kritikuar ashpër edhe politikanët shqiptarë, të cilët sipas tij kanë punuar për 30 vjet vetëm për luksin personal.

Pjesë nga debati:

Demalia: Zonja zv/ministre foli si pjesëtare e garnizonit të rilindjes. Zonja tregon që këto nuk kanë mësuar asgjë. Këta mundohet ta shfrytëzojnë këtë situatë për ti mbyllur gojën njerëzve. Nuk ka ndodhur kund në botë që një kryeministër ti thotë medias se është kriminale. Edhe nëse është e korruptuar është e korruptuar nga politika, nga Edi Rama.

Voda: Ka pasur media që kanë përhapur panik dhe mediat duhet të kenë përgjegjshmëri. Unë nuk jam këtu të bëj politike jam këtu të them punën që po bëjmë. Ti zotëri nuk mund të hedhësh baltë mbi punën dhe gjakun e këtyre njerëzve

Demalia: Pusho moj pusho, si nuk ju vjen turp. Ju duhet të ulni kokën

Voda: Turp duhet t’ju vijë juve që nga atje flisni dhe bëni propagandë

Demalia: A do ja mbyllësh mikrofonin asaj. Si nuk ju vjen turp që të kërkoni të paktën një ndjesë. Si moj zonjë thua nuk kemi mungesa logjistike se jemi vend i vogël dhe i varfër

Voda: Jemi krenar për mënyrën si e kemi përballuar situatën

Demalia: Më ler të flas, ty duhet të të vijë turp edhe për kriminalitetin.

Voda: këtu jam të asistoj qytetarët

Demalia: Pusho moj pusho

Voda: Po hedh baltë mbi policinë mbi FA, stop baltës

Demalia: Lerë këtë demagogji

Voda: Zotëri të ftoj të lësh Amerikën dhe hajde këtu, të rrish me qytetarët.

Demalia: Hiqja mikrofonin se na lodhi

Voda: Nuk kam ndërmend të dëgjoj përrallat e zotit Demalia/CNA.al