web counter
LEXO PA REKLAMA!

SHKARKO APP

App Store
Google Play

Largimi i forcave romune me ceremoni nga Shqipëria/ Balla: Falenderime për kontributin e çmuar

1 Dhjetor 2019, 16:37, Politikë CNA

Pak ditë pas tërmetit tragjik të 26 nëntorit, forcat romune të kërkim shpëtimit janë larguar mesditën e sotme nga Shqipëria, ku dhanë kontributin e tyre për nxjerrjen nga rrënojat të personave të bllokuar nga tërmeti.

Ambasada e Rumanisë në Tiranë në bashkëpunim me Kryetarin e Grupit Parlamentar të Partisë Socialiste, Taulant Balla organizuan sot një ceremoni në bazën ajrore në Rinas për përcjelljen e 52 forcave të ermergjencës.

Përmes një postimi në rrjetet sociale, ndërsa publikon foto nga ceremonia e përcjelljes së forcave romune, Balla ka shprehur mesazhe falenderimi ndaj Rumanisë dhe forcave të emergjencës për ndihmën e dhuruar dhe profesionalizimin e treguar.

?Solidariteti vijon! Rumania vazhdon asistencën për Shqipërinë në përballimin e dëmeve të shkaktuara nga tërmeti i 26 Nëntorit. Dy avionë ushtarakë u nisën sot nga Bukureshti për të sjellë çadra dimërore dhe pajisje të tjera për familjet, banesat e të cilëve janë të shkatërruara ose të pabanueshme. Gjatë ditëve në vijim do të ketë edhe një autokolonë tokësore me materiale ndihmëse. Gjithashtu qeveria e Rumanisë do të dërgojë një grup prej 15 inxhinierësh-ekspertësh që do të vlerësojnë gjendjen sizmike për çdo ndërtesë, bashkë me grupet tona të ngritura tashmë?, shkruan Balla./CNA.al

 





Lajmet e fundit nga