web counter
LEXO PA REKLAMA!

SHKARKO APP

App Store
Google Play

Valbona Sako “dëshmorja” e tretë e Rilindjes

1 Dhjetor 2019, 09:13, Politikë CNA

Nga sot 3 bashki në Shqipëri do jenë pa kryebashkiakë.

Mëngjesin e kësaj të diele kryebashkiakja e Durrësit Valbona Sako dha dorëheqjen nga posti që iu dha prej 30 qershorit të këtij viti.

Dorëheqja e Sakos erdhi pas deklaratës shokuese që bëri mbrëmjne e djeshme për viktimat e tërmetit të 26 nëntorit teksa u shpreh se duhet të jemi të kënaqur me 50 jetë të humbura.

Por Sako nuk është ?dëshmorja? e parë e Rilindjes, pasi në muajin gusht, kryebashkiaku i Shkodrës, Valdrin Pjetri hoqi dorë nga posti.

Vendimi i Pjetrit erdhi pas akuzave dhe dokumenteve të publikuara nga Partisë Demokratike se ai ka qenë i dënuar në Itali për shpërndarje droge në vitin 2003.
Pjetri deklaroi se kishte vendosur që çështjen e akuzave për dënimin e tij në Itali ta sqarojë në rrugë ligjore, si qytetar dhe jo si zyrtar i institucioneve apo si përfaqësues i Partisë Socialiste.

Gjithashtu edhe bashkia e Vorës vijon të jetë pa kryetar, pasi Agim Kajmaku u shkarkua nga posti i kryebashkiakut.

Vendimi për shkarkimin e Kajmakut erdhi pas akuzave që rëndojnë mbi të për fshehjen e dënimit në Greqi, në formularin e Dekriminalizimit.
Kryebashkiaku Kajmaku u akuzua nga Partia Demokratike se ishte arrestuar në Greqi, nën emrin Jorgo Toto, për veprën penale të falsifikimit të parave, por që nuk e kishte paraqitur në formularin e Dekriminalizimit.

Akuzat e PD u konfirmuan edhe nga Prokuroria e Përgjithshme, e cila pasi bëri verifikimin e shenjave të gishtërinjve të Kajmakut dhe shenjat e gishtërinjve të shtetasit Jorgo Toto, të arrestuar në Greqi, rezultoi se ishte i njëjti person.

Prej disa kohësh, Kajmaku është në arrati dhe është shpallur në kërkim nga autoritetet./CNA.al





Lajmet e fundit nga