web counter
LEXO PA REKLAMA!

SHKARKO APP

App Store
Google Play

E fundit!

x

Tryeza për rindërtimin e vendit/ Ambasadori i Rumanisë: Pashë sot Durrësin, ishte një tragjedi!

30 Nëntor 2019, 19:16, Politikë CNA

Kryeministri Rama ka zhvilluar mbrëmjen e sotme një takim në Pallatin e Brigatave me ambasadorët e huaj në Shqipëri, me qëllim harmonizimin e përpjekjeve  për rindërtimin e vendit pas tërmetit të së martës.

Gjatë fjalës së tij në takim ambasadori romun ndërsa flet për punën e bërë nga Rumania në ndihmë të të prekurve nga tërmeti, shprehet se ishte tragjike të shihje qytetin e Durrësit me godinat e kthyera në gërmadha.

? Në Rumani pati një emocion të thellë pas kësaj tragjedie. Populli rumun përgatiti që orët e para avion dhe kemi qenë këtu me 12 ton mallra dhe 52 specialistë ushtarakë për të ndihmuar. Ata kanë punuar gjatë gjithë ditës dhe është një histori e shkëlqyer. Pashë sot Durrësin, ishte një tragjedi. Dua t’ju informoj se vendi ynë ju mbetet pranë. Nesër do të kemi dy avionë të tjerë. Javën që vjen do të kemi inxhinierë të specializuar në ndërtim dhe për këto raste vështirësish?, është shprehur ambasadori i Rumanisë.

Pas prenoncimit të ambasadorit,  teksa nuk kanë munguar falenderimet në drejtim të Rumanisë, kryeministri Edi Rama ka sjellë në kujtesë solidarizimin e treguar nga Bukureshti ditën e flamurit duke ndezur ngjyrat kuqezi në qytet në shenjë solidarizimi. Kryeministri e ka cilësuar mallëngjyese solidarizimin e Rumanisë me Shqipërinë në këto momente të vështira.

?Ka pasur dy pamje në 28 nëntor që ishin si qetësues të dhimbjes. Ato dekorime në Bukuresht që kremtonin Shqipërinë, tregonin mëshirë, flamurë kaq të bukur shqiptarë, të ndriçuar, një flamur edhe në Abu Dabi i ndriçuar i gjithi…Kështu që faleminderit shumë ambasadorë për këtë, nuk do t’ju harrojmë kurrë. Është më e mrekullueshmja, apo e vetmja pjesë e mrekullueshme e historisë që po kalojmë, sepse duket si një kremtim i njerëzimit që shpresoj të vazhdojë e do të përmbyllet duke i kthyer buzëqeshjen gjithë njerëzve duke i parë të hapin dyert e shtëpive të tyre të reja.

Na falni për çdo shqetësim që është krijuar nga burokracia. Jam i sigurt që ka pasur episode të tilla, por përgjithësisht gjërat kanë funksionuar mirë për përmasat kundrejt kësaj katastrofe përkundrejt kapacitet për ta përballuar?, është shprehur Rama./CNA.al





Lajmet e fundit nga