web counter
LEXO PA REKLAMA!

SHKARKO APP

App Store
Google Play

E fundit!

x

Balla dhe delegacioni gjerman inspektojnë gjendjen në Durrës pas tërmetit

30 Nëntor 2019, 16:20, Politikë CNA

Një delegacion i Bundestagut gjerman i shoqëruar nga  Kryetari i Grupit Socialist, Taulant Balla  kanë kryer një inspektim për të parë nga afër të situatën  në Durrës pas tërmetit të 26 nëntorit.

Në një diskutim në prani të medias me kreun e delegacionit gjerman, Balla është shprehur se ka nisur procesi i vlerësimit të banesave për të përcaktuar nëse janë të banueshme apo jo.

Teksa ka theksuar se po bëhet inventari për të përcaktuar nivelin e dëmeve meteriale të shkaktuara nga tërmeti, Balla ndër të tjera i ka kërkuar ndihmë financiare  delegacionit gjerman për përballimin e situatës së rëndë në të cilën ndodhet vendi.

?Kemi ardhur për të parë se cilat ndërtesa do të përdoren në vazhdimësi dhe cilat do të rindërtohen. Kemi një ndihmë financiare në BE, por edhe nga vendet anëtare të BE, por edhe nga vendet e tjera akoma nuk kemi një vlerësim të saktë të dëmtimeve  që kanë ndodhur. Kjo sigurisht mund të kërkojë ditë, javë për  të arritur një përfundim të saktë. Të luftojmë që kjo pjesë të jetë në dispozicion të banorëve , por edhe të turistëve. Do të ishte shumë e rëndësishme që ju në Bundestag apo pranë qeverisë gjermane, sigurisht të kërkoni një financim për dëmtimet e tërmeteve këtu në Shqipëri?,është shprehur Balla.

Ndërkaq,duke falenderuar autoritetet shqiptare për menaxhimin e situatës,  deputeti gjerman është shprehur se ndihmat nuk duhet të mungojnë për Shqipërinë

?Ne duhet të qëndrojmë  pranë popullit shqiptar. Ne jemi pranë viktimave dhe pranë familjarëve që kanë humbur familjarët e tyre apo dhe ato që kanë humbur shtëpitë e tyre, apo edhe për ata qytetarët që nuk e dinë akoma nëse banesat e tyre  janë të banueshme për të jetuar apo jo. Ka sigurisht një mosbesim ndaj strukturës së banesës ku ata jetojnë. Ishte mirë që kemi pasur një ndërhyrje nga vendet e ndryshme të BE.  Ka ndodhur një ndërhyrje e shpejtë.  Dua atë falënderoj autoritetet shqiptare, sepse kanë bërë shumë për menaxhimin e krizës, e sigurisht  për të ndihmuar që vende e huaja të vinin këtu për të menaxhuar situatën në të njëjtën kohë. Ne duhet të kalojmë në fazën e dytë, Shqipëria nuk duhet të qëndrojë e vetme me këtë barrë të rëndë, e cila nuk mund të mbahet vetëm nga Shqipëria. Ndihma dhe asistenca duhet të vijë nga BE, dhe unë sigurisht se do të marrë me vete në shtëpi këto impresione që kam përjetuar, për turizmin dhe për jetën e banorëve?, tha ai./CNA.al





Lajmet e fundit nga