web counter
LEXO PA REKLAMA!

SHKARKO APP

App Store
Google Play

Situata e jashtëzakonshme pas tërmetit/ Ministria e Financave bën njoftimin e rëndësishëm

30 Nëntor 2019, 11:17, Politikë CNA

Nisur nga situata e jashtëzakonshme e krijuar nga tërmeti i datës 26 Nëntorit, në ndihmë të familjeve të dëmtuara, Ministria e Financave dhe Ekonomisë nxit të gjitha bizneset që të kontribuojnë për nismën ?Shqipëria Solidare? me qëllim lehtësimin e pasojave nga ky tërmet tragjik.

Për këtë qëllim Ministria e Financave, në një deklaratë për mediat, bën të ditur se ka përgatitur Aktin Normativ sipas së cilit do të rritet nga 3% në 8% e fitimit të tatueshëm, njohja si shpenzim i zbritshëm i donacioneve në mjete monetare, të bëra nga bizneset.

MFA, thekson se kjo incentivë në shërbim të angazhimit tonë ekonomikisht solidar do të vlejë për periudhën e ?gjendjes së fatkeqësisë natyrore? brenda afatit të përcaktuar në legjislacion.
Shpenzimet e zbritshme në masën 8%, nga 3% që është aktualisht, do të mund të përfitohen vetëm nëse donacioni do të adresohet në llogaritë e thesarit, të vëna në dispozicion nga Ministria e Financave.
Gjithashtu me rëndësi të theksohet se ky akt vlen edhe për donacionet për shkak të shpalljes së ?gjendjes së fatkeqësisë natyrore? të bëra në formën e pasurive të paluajtshme.
Thirrjes së Qeverisë për kontribute për tërmetin përmes platformës online e-Albania/dhuro, i janë bashkuar shumë biznese nga brenda dhe jashtë vendit./ CNA.al





Lajmet e fundit nga