web counter
LEXO PA REKLAMA!

SHKARKO APP

App Store
Google Play

Rama cakton afatet/ Në 15 dhjetor të gjithë do të jenë në shtëpi të re

1 Dhjetor 2019, 21:32, Politikë CNA

?Mbi gërmadhat e pallateve të rrënuara do të ndërtojmë çerdhe!? Kështu shprehet kryeministri Edi Rama me anë të një postimi në rrjetet sociale, teksa rendit vendimet e qeverisë lidhur me të dëmtuarit nga tërmeti.

Sipas Ramës, për të moshuarit do të ketë një pensioni të posaçëm 60 mijë lekë në muaj, për nxënësit dhe studentët, bursë 15 mijë lek në muaj, ndërsa akomodimi i të prekurve, në shtëpi të re do të bëhet, maksimumi, deri në 15 dhjetor.

?Ka një kohë për atë që iku dhe ka një kohë për atë që vjen. Të mbijetuarit nisin të kapërcejnë pragun e shtëpive të reja.  Deri maksimumi në 15 dhjetor të gjithë do të jenë në shtëpi të re me: 1 milionë lek? të reja në dorë. Trajtim të posaçëm shtetëror 100 mijë lekë të reja në muaj, për gjithë jetën atyre që kanë mbetur fillikat. Pension të posaçëm shtetëror të moshuarve 60 mijë lekë të reja në muaj. Bursë 15 mijë lekë në muaj nxënësve e studentëve deri në fund të studimeve.
Aty ku humbën jetën ata që ikën dhe prej ku iku kush mbeti i gjallë do të ndërtojmë një çerdhe. Zoti na ndihmoftë t?u lehtësojmë peshën e paimagjinueshme të humbjeve të tyre dhe na faltë për çka pa dashjen tonë mund u kemi lënë mangut.?, shkruan Rama në postimin e plotë./CNA.al





Lajmet e fundit nga