web counter
LEXO PA REKLAMA!

SHKARKO APP

Video-Të larguar pas tërmetit/ Durrsakët dhe kryeqytetasit rikthehen në shtëpi

1 Dhjetor 2019, 19:02, Politikë CNA

Të larguar nëpër rrethe për shkak të dëmeve, por edhe frikës nga tërmeti shumë persona janë kthyer pasditen e sotme drejt Tiranës dhe Durrësit, duke krijuar radhë të gjata në autostradë. Mësohet se, shkak i kthimit të banorëve në shtëpi janë rifillimi i punës ditën e hënë dhe vlerësimi i dëmeve në banesat e tyre.

Sikurse duket edhe nga pamjet e mëposhtme të siguruara nga CNA.al, qindra banorë të kthyer nga Korça dhe Pogradeci kanë krijuar një trafik të rënduar në autostradën Librazhd-Elbasan, aqsa mjetet lëviznin me vështirësi.

Mirëpo, përveç Korçës dhe Pogradecit, mijra qytetarë shqiptarë janë kthyer për në kryeqytet dhe Durrës edhe nga pika kufitare e Morinës. Në një prenoncim, ambasadori i Shqipërisë në Kosovë Qemal Minxhozi, tha se që nga e marta e kaluar në Kosovë kanë hyrë 17 mijë e 500 qytetarë të zonave të prekura nga tërmeti. Vetëm të premten dhe të shtunën janë kthyer në Shqipëri 7800 qytetarë.

“Në Kosovë kanë ardhur tre kategori qytetarësh. Një pjesë i janë drejtuar qendrave mikpritëse. Një pjesë tek të afërmit, Ndërsa një pjesë kanë ardhur vetë këtu dhe janë strehuar në hotele. Kanë hyrë 17 mijë e 500 qytetarë. Një pjesë e tyre janë kthyer përsëri’, ka thënë Minxhozi./ CNA.al





Lajmet e fundit nga