web counter
LEXO PA REKLAMA!

SHKARKO APP

App Store
Google Play

E fundit!

x

“Ndihmat në Ministrinë e Brendshme”/ Lleshaj ngre tonet: Për këtë turp keni vetëm dy rrugë

2 Dhjetor 2019, 12:40, Politikë CNA

Pas publikimit të një video e cila po qarkullon nëpër rrjetet  sociale, ku pretendohet se ndihmat për të prekurit nga tërmeti po shkarkohen në Ministrinë e Brendshme, ka ardhur reagimi i Sandër Lleshajt.

Në një postim në rrjetet sociale, Lleshaj ka reaguar ashpër, ndërsa thekson se ky është një mashtrim i ulët.

?Teksa jam në Kurbin, në punë për menaxhimin e gjendjes së rëndë, më njoftojnë se disa pisa pa nder dhe dinjitet kanë publikuar një mashtrim të ulët.

Patjetër që duhet të jenë me shumë përvojë në poshtërsira, përderisa imagjinata perverse e tyre prodhon turpe të tilla.? shkruan Lleshaj në një postim në facebook ndërsa shton se ato qese janë prova materiale, që i janë kapur një hajduti si puna juaj dhe nuk po shkojnë në zyrën e Ministrit të Brendshëm, por në depon e provave materiale të SHÇBA, struktura që po kryen hetimin në zbatim të detyrave të prokurorit përgjegjës.

?O të mjerë! Ato qese, që kanë ngazëllyer maninë tuaj perverse, janë prova materiale, që i janë kapur një hajduti si puna juaj dhe nuk po shkojnë në zyrën e Ministrit të Brendshëm, por në depon e provave materiale të SHÇBA, struktura që po kryen hetimin në zbatim të detyrave të prokurorit përgjegjës.?-shkruan Lleshaj.

Më tej, ai bën edhe një paralajmërim të fortë, ndërsa shkruan se ?Për këtë turp, tani keni dy rrugë:

Ose të provoni lajmin e rremë, ose të jepni llogari deri në një para ligjit, si mashtrues ordinerë, që shfrytëzoni gjendjen e rëndë për të bërë biznesin e ndyrë me lajme të rreme.

Zgjidhni?..? përfundon Lleshaj./ CNA.al





Lajmet e fundit nga