web counter
LEXO PA REKLAMA!

SHKARKO APP

App Store
Google Play

Takimi me shefin e Misionit të FMN/ Basha bën thirrje: Koha për reagim gjithëpopullor

25 Nëntor 2019, 16:13, Politikë CNA

Pas takimit me shefin e Misionit të FMN-së, Jan Kees Martijn, kryetari i PD, Lulzim Basha është shprehur se kanë ndarë shqetësimin për krizën ekonomike në vend.

Sipas Bashës, një ndër problemet me kryesore është çështja e qindra miliona dollarëve që do të përfundojnë në duart e 13 koncesionarëve.

“Nëse buxheti që kanë planifikuar do të kalojë përben një vjedhje të babëzitur të 146 milion dollarëve që planifikohen t’i jepen 13 njerëzve për PPP.
Kjo çon në një thellim të krizës, do të çojë në rritje të mëtejshme të borxhit publik. Opozita e bashkuar ka një plan të qartë për ta ndalur këtë krizë ekonomike.
Në planin tonë ekonomik, do ia dalim të ndalim këto koncesione, të rikthejme paratë e destinuara për 13 oligarkët tek qyetetarët.
Me planin tonë dhe me ndihmën e partenerëve tanë ndërkombëtarë do t’i japim fund kësaj situate. Bashkëbisedimi me misionin e FMN e konsideroj të frytshëm, brenda mandatit të tyre kambanat kanë rënë. Përtej konstatimeve të FMN që kjo rrugë e vjedhjes së shqiptarëve, ka ardhur koha për nje reagim gjithë popullor për ta ndalur”, u shpreh Basha.

Kryedemokrati i bëri thirrje kryeministrit Edi Rama të hapë veshët e të dëgjojë mirë.

“Rama i fajëson të gjithë përveç vetes. Të hapë veshët e të dëgjojë mirë se mesazhi është i qartë, largimi i kësaj qeverie është ilaçi i kësaj krize të thellë politike. Kjo krizë e ka themelin tek babëzia për pushtet”, tha me tej Basha./CNA.al





Lajmet e fundit nga