web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Këta janë çmendur që të gjithë

25 Nëntor 2019, 14:40, Politikë CNA

Shqipëria vijon të jetë në një krizë të thellë politike, ekonomia është në rënie dhe shqiptarët po mësyjnë rrugët e Europës.

Pa asnjë diskutim që krimi, korrupsioni, mungesa e rritjes ekonomike, varfëria, papunësia etj, janë përgjegjësia e kryeministrit. Por, edhe shkon tek presidenti, i cili është faktor kryesor i përplasjeve të sotme dhe tensioneve politike, për të shkuar më pas edhe tek kreu i PD-së, Lulzim Basha.

Asnjë nga këta të tre nuk duket të jetë në rregull. Këta janë çmendur që të gjithë. Çmenduritë e Lulzim Bashës fillojnë me kohë, por gjatë këtij viti dogji mandate deputetësh, bëri protesta, tha se nuk do të kishte zgjedhje në 30 qershor, tha se do të bënte shkrumb e hi Shqipërinë.

Në marrëzinë e tij ka filluar e del shëtitje në Gjermani fundjavave bashkë me gruan, dhe thotë se po bën gati projektin, apo planin për nxjerrjen Shqipërisë nga kriza, etj, por në fakt s?ka asgjë, vetëm një vrimë në ujë.

Thjeshtë dhe vetëm gënjen. Kthehet në Shqipëri me duart bosh, e thotë Shqipëria ka shpresë, unë jam shpresa etj.

Ky që digjte me benzinë, ky që thoshte në Shqipëri s?do të ketë zgjedhje, ky që ka thënë 10 herë që Rama ka rënë, ky është ?marrosur komplet? dhe del e thotë se ai qenka shpresa për Shqipërinë.

Shkojmë më tej tek presidenti Ilir Meta. Kreu i Shtetit kapi një akt proçedurial, ku ishte në të drejtën e tij, për lojën e bërë nga KED apo mazhoranca në lidhje me emërimet në Gjykatën Kushtetuese, për ta detyruar të zgjidhte një kandidat që ata donin.

Por, edhe presidenti gjatë gjithë vitit ka pasur marrëzitë e tij. Që nga çmenduria e çdekretimit të datës së zgjedhjeve, apo veprimet e tanishme duke u kthyer në një anti-amerikan dhe anti-ndërkombëtar i hapur. Vetëm nuk ka thënë fjalinë ?Imperializmi amerikan në Shqipëri është një tigër prej letre?. Çdo gjë tjetër e ka bërë, luftë me BE-në, luftë me amerikanët, luftë me italianët.

Tani do bëjë protesta në 8 Dhjetor, duke i vjedhur PD-së edhe Ditën e Rinisë. Për herë të parë në histori një president del e proteston kundër qeverisë dhe kryeministrit që në fakt e ka sjellë vetë në pushtet gjashtë vite më parë.

Është po ky Ilir Meta dhe banda e tij e LSI-së që sollën Rilindjen në pushtet.

I treti dhe më përgjegjësi për këtë situatë kaotike është kryeministri Edi Rama, i cili deri më sot nuk ka pranuar asgjë.

Ata dhjetëra deputetë të inkriminuar, ata kandidatë për kryetar bashkish të inkriminuar, ata drejtorë të inkriminuar, ata ministra të korruptuar, të cilët i ka zgjedhur Edi Rama dhe që është përgjegjës po vetë Edi Rama.

Edhe për mbulimin e Shqipërisë me drogë, edhe për dhunën dhe krimin në rrugë dhe pasigurinë që ka vendi, edhe për krizën ekonomike, përgjegjësi kryesor është Edi Rama, sepse është kryeministër i vendit. Ndërsa sot del e thotë se fajin e kanë Kim Kardashian dhe Cristiano Ronaldo.

Apo siç thonë Monika Kryemadhi dhe Ilir Meta, që fajin e ka BE dhe SHBA.

Po ashtu edhe vetë Luli thoshte të njëjtën gjë më parë, ndërsa sot kanë filluar t?i ndajnë gjërat.

Këta janë ?çmendur? që të tre, të katër apo të pestë. Përfshirë edhe atë ?sharlatanin? që është në krye të Bashkisë së Tiranës.

Nuk ka ngelur një shqiptar i vetëm që ta dëgjojë dhe ta besojë apo të shpresojë.

Rama bën përgjegjës Kim Kardashian dhe Cristiano Ronaldon, Ilir Meta, presidenti që e solli në pushtet shkon e proteston kundër kryeministrit, Luli na vjen me duar bosh dhe me lugë floriri, Monës ia kanë fajin ndërkombëtarët, Lali e ka bërë Tiranën si Manhatani.

Askush prej tyre nuk ka faj. Ata janë çmendur që të gjithë./ CNA.al





Lajmet e fundit nga