E fundit!

13:59 Politikë

Berisha merr në mbrojtje Shehajn: Tano Caridi, lule para Ballës, shkuarja te vila, akt i turpshëm

Kreu i PD-së Sali Berisha ka marrë në mbrojtje Agron Sheha...

Rama merr në mbrojtje Donika Prelën/ Mesazh Kolegjit të Posaçëm të Apelimit

25 Nëntor 2019, 13:17, Politikë CNA

Përreth dy orë kryeministri Edi Rama ?ngujoi? socialistët në ?Ar-Turbina?, për të shpalosur platformën anti-KÇK.

Si gjithnjë Rama nuk e ka anashkaluar rastin për të folur me emra konkretë gjyqtarësh e prokurorësh. Disa u përmendën me emra dhe disa me çështjet që kanë pasur në duar.

Ndërkohë që pretendohet se sistemi i drejtësisë është i pavarur nga politika, të paktën nëse i referohemi Kushtetutës, është bërë standart tashmë, ndërhyrja në punën e institucioneve të drejtësisë.

Madje, është standartizuar deri në atë pikë sa i gjithë opinioni publik, i etiketon gjyqtarët dhe prokurorët si të Ramës apo si të opozitës.

Sot, kryeministri, hapur doli në mbrojtje të drejtueses së komanduar të Prokurorisë për Krime të Rënda, Donika Prela.

Sipas Ramës, kot iu rëndua Donika Prelës, grabitja e Prokurorisë së Durrësit, pasi gjetja e dosjeve të vjedhura në makinën e prokurorit Arjan Ndoja, zbardhin të vërtetën.

Pa u ndalur tek rasti Ndoja, pasi hetimet ende vahzdojnë, ajo që të bie në sy është mbrojtja e zellshme e kryeministrit Rama për Prelën.

Kjo mbrojtje vjen në një kohë, kur prokurorja Prela, nuk e ka kaluar ende proçesin e Vettingut dhe konkretisht shkallën e dytë.

Ndaj, lidhur me deklaratën e sotme të Ramës, ngrihen dyshimet se Prela e kaloi shkallën e parë të Vettingut me urdhërin e tij dhe se ajo që u tha sot, ishte një mesazh për Kolegjin e Posaçëm të Apelimit.

Kujtojmë, se Prela e kaloi shkallën e parë të Vettingut, pavarësisht problemeve me pasurinë.

Edhe shkeljet e konstatuara nga IKP kishin të bënin me pasurinë. Pasuria e parë e kontestuar është një apartament në Tiranë. Sipas Komisionerit Publik, Florian Ballhysa, Prela nuk e justifikon dot me të ardhura të ligjshme, pasi bashkëshorti i saj, rezulton se nuk pa paguar sigurimet shoqërore dhe detyrimet tatimore.

Më tej Ballhysa është marrë edhe me deklaratat justifikuese të Prelës para KPK-së. Gjatë seancës dëgjimore, Prela deklaroi se nuk ka patur dijeni për shmangien e pagimit të detyrimeve tatimore.

Por, Komisioneri Publik, Ballhysa e ka parë me dyshim këtë deklaratë, pasi Prela në periudhën kur flitet se nuk janë paguar taksat, ka qenë prokurore e seksionit Task Forcë, ku brenda juridiksionit të veprimeve procedurale/hetimit të tyre, ishte edhe hetimi i veprave penale të sferës ekonomike.

Gjithashtu gjatë hetimeve të IKP-së, ka rezultuar se Prela nuk ka pasur të ardhura të mjaftueshme për të krijuar kursimet e deklaruara në vitin 2006 si dhe nuk ka pasur të ardhura për të mbuluar pagesën e këstit të apartamentit.

Dyshim ka ngjallur edhe blerja e apartamentin me çmim më të ulët se vlera e tregut. Më tej si e dyshimtë është përmendur edhe një hua prej 15 mijë eurosh e marrë nga Donika Prela

?Personi që ka dhënë huanë, nuk ka të ardhura të ligjshme dhe nuk provohet me dokumentacion ligjor krijimi i tyre nga emigracioni?,thuhet në ankesën e IKP-së.

Për më tepër edhe Drejtoria e Sigurimit të Informacionit të Klasifikuar, ka raportuar pranë KPK, se Prelës në vitin 2010 i është refuzuar viza amerikane.

?Grupi i punës, nëpërmjet DSIK, është informuar se me datë 08.06.2010, drejtueses së Prokurorisë për Krime të Rënda i është refuzuar viza amerikane.

Shqyrtimi i refuzimit për vizë të SHBA-së shoqërohet me verifikim të besueshëm dhe profesional të aplikantit. Marrja e vizës së SHBA-së kuptohet si standard për pastërtinë e figurës ku aplikanti i nënshtrohet një procedure të imtësishme dhe të besueshme Vettingu. Ndërkohë që refuzimi/ revokimi i vizës mund të bëhet për disa arsye, sjellim në vëmendje se Ambasada e SHBA-së ka deklaruar se do të përdorë të gjitha mjetet ligjore që ka në dispozicion për refuzimin/revokimin e vizave të gjyqtarëve dhe prokurorëve të korruptuar. Kjo praktikë është ndjekur nga SHBA për promovimin e luftës kundër korrupsionit, anembanë botës?, thuhet në raportin e DSIK./CNA.al

KPK shkel afatin për Donika Prelën/ Nuk zbardh vendimin

U përball me Vettingun/ Zbardhet vendimi për Donika Prelën

ONM ?djeg? Donika Prelën/ Karriera e saj në pikëpyetje