web counter
LEXO PA REKLAMA!

SHKARKO APP

App Store
Google Play

Meta nga Brukseli: Me Ballkanin e bashkuar drejt Perëndimit

28 Tetor 2019, 16:50, Politikë CNA

?Baza e Kuçovës është një vlerë e shtuar për të gjithë rajonin?, kështu është shprehur Presidenti i Republikës, Ilir Meta, në fjalën e tij në konferencën e përbashkët me sekretarin e Përgjithshëm të NATO-s, Jens Stoltenberg.

Meta, po ashtu, ka theksuar rolin e Shqipërisë në Aleancën Atlantike të Veriut dhe kontributin e saj për paqen dhe stabilitetin krah vendeve të tjera.

?Ishte kënaqësi për t?ju takuar dhe për të pasur një shkëmbim idesh në çështje të ndryshme. Në këto dekada NATO është zona më e sigurt e paqes dhe prosperitetit. Shqipëria luan një rol të rëndësishëm në NATO, duke përfshirë luftën kundër terrorizimit. Jemi krenarë për gratë dhe  burrat që shërbejnë për sigurinë. Baza e Kuçovës është një vlerë e shtuar për të gjithë rajonin. Më kujtohet kur firmosa iniciativën e Kartës së Adriatikut, ne jemi krenar që ky proces është i suksesshëm  dhe po vjen duke u zgjeruar.  E drejta e Kosovës për të transformuar forcën e saj në ushtri është një burim sigurie në rajon. Duhet ta mbajmë Ballkanin si një zonë të bashkuar drejt perëndimit?, u shpreh Ilir  Meta.

Ndër të tjera  Meta ka theksuar  aspiratat e Shqipërisë në rrugën e saj europiane dhe dëshirën e shqiptarëve për t?u bërë pjesë e BE-së.

?Ashtu siç e kemi bërë të qartë edhe gjatë takimit që pata dy ditë më parë me Presidentin e Maqedonisë së Veriut, ne jemi të vendosur në përpjekjet tona për anëtarësimin në Bashkimin Evropian. Ne jemi një vend anëtar i besueshëm i NATO-së dhe kemi besim për anëtarësim në BE?, ka thënë ndër të tjera Meta./CNA.al





Lajmet e fundit nga