Lejuan ndërtimet pa leje/ Procedohen penalisht 3 punonjës policie

28 Tetor 2019, 16:12, Politikë CNA

Tre punonjës policie janë proceduar penalisht në Kavajë pasi dyshohen se lejuan disa ndërtime pa leje në këtë qytet.

Shërbimi për Çështjet e Brendshme dhe Ankesat (SHÇBA) në Ministrinë e Brendshme bën me dije se janë ekzekutuar masat e sigurisë për 3 punonjësit e policisë në Komisariatin e Policisë Kavajë, F.Gj., me detyrë Operatore pranë Zyrës së Shërbimit për Qytetarët, Inspektor F.H. dhe S.B., të dy me detyrë Ndihmës/specialist për Policimin në Komunitet.

Sipas Policisë, veprimtaria e tre punonjësve në Kavajë është hetuar me metoda speciale, ndërkohë aktualisht vijojnë hetimet për zbardhjen e plotë të rasteve abuzive.

Njoftimi i policisë:

SHÇBA procedon 3 punonjës policie në Kavajë, dyshohet se lejuan ndërtime pa leje dhe për falsifikim dokumentesh. Shërbimi për Çështjet e Brendshme dhe Ankesat (SHÇBA) në Ministrinë e Brendshme, ekzekutoi masat e sigurisë për 3 punonjës policie në Komisariatin e Policisë Kavajë, në funksion të një procedimi penal nisur disa muaj më parë, në bashkëpunim me Prokurorinë e Rrethit Gjyqësor Kavajë. Ata janë:

? F.Gj., me detyrë Operatore pranë Zyrës së Shërbimit për Qytetarët në Komisariatin e Policisë Kavajë, me masë sigurimi ?Arrest në shtëpi?, si person i dyshuar për veprat penale ?Falsifikim i dokumenteve?, ?Ushtrimi i ndikimit të paligjshëm ndaj personave që ushtrojnë funksione publike? dhe ?Shpërdorim i detyrës?. Ajo dyshohet se duke keqpërdorur atributet që i jepte detyra në këtë funksion, në kundërshtim me ligjin, favorizonte shtetas të ndryshëm gjatë përpilimit të dokumentacionit për pajisjen me pasaportë dhe ndërhynte për favorizime të ndryshme në sferën e ndërtimeve pa leje.

? Inspektor F.H., me detyrë Ndihmës/specialist për Policimin në Komunitet në Komisariatin e Policisë Kavajë, me masë sigurimi ?Pezullimi i ushtrimit të një detyre a shërbimi publik?, për konsumim të elementëve të veprës penale të ?Shpërdorimit të detyrës?. Ai dyshohet se në mospërmbushje të detyrës ka lejuar dhe nuk ka raportuar ndërtimet pa leje.

? Inspektor S.B., me detyrë Ndihmës/specialist për Policimin në Komunitet në Komisariatin e Policisë Kavajë, me masë sigurimi ?Pezullimi i ushtrimit të një detyre a shërbimi publik?, për veprën penale të ?Shpërdorimit të detyrës?. Ai dyshohet se në mospërmbushje të rregullt të detyrës, ka lejuar dhe nuk ka raportuar ndërtimet pa leje.

Hetimi u krye me metoda speciale duke dokumentuar me prova ligjore veprimtarinë e kundërligjshme, të këtyre punonjësve të policisë. Hetimet po vazhdojnë./CNA.al