web counter
LEXO PA REKLAMA!

SHKARKO APP

App Store
Google Play

Ristani apel për demokratizimin e PD/ Nuk mund të shkëputet nga historia, domosdoshmëri rikthimi i eksperiencës 

28 Tetor 2019, 13:09, Politikë CNA

Ish-Sekretari i Përgjithshëm i PD-së, njëkohësisht ish-kryetari i KQZ-së, Arben Ristani ka komentuar situatën politike në vend dhe debatet për Reformën Zgjedhore.

I ftuar në A2 CNN, Ristani tha se nuk mjafton ndryshimi i Kodit Zgjedhor dhe as listat e hapura, por sipas tij ajo që duhet bërë për të ndryshuar situatën është demokratizimi i brendshëm i partive politike.

?Po të shikosh debatet, vihet re se të gjitha janë të fokusuara të ndryshimi i sistemit dhe listat e hapura.

Kjo është e justifikueshme, por qëllimi nuk realizohet me ndryshimin e sistemit dhe as me listat e hapura, sepse nuk ia heq të drejtën kreut të parties të vendosë për listat. Nuk mjafton ndryshimi i Kodit Zgjedhore, por duhet bërë demokratizimi brenda partive, për të kufizuar vullnetin e njëshit?-tha Arben Ristani.

Më tej, ai tha se PD duhet të jetë e bashkuar dhe e unifikuar, ndërsa e cilësoi domosdoshmëri rikthimin në PD të elitës së saj.

Ristani theksoi se investimi i demokratëve dhe eksperienca 28-vjeçare nuk mund të hidhen poshtë.

I pyetur nëse duhet të rikthehen njerëzit e vjetër të PD-së, Ristani tha se ?Ne nuk mund të kemi një PD të shkëputur nga eksperienca 28-vjecare. Është një investim i demokratëve tek njerëzit e partisë. Ky investim i demokratëve dhe eksperienca nuk mund të shkojnë dëm.?

Po ashtu Ristani ndërsa apeloi për vlerësimin e eksperiencës dhe kontributeve, theksoi se ?Duhet të gërshëtohen e reja me të vjetrën dhe të unifikohet një grup që mund ta bëjë fituese PD-në.?/ CNA.al





Lajmet e fundit nga