"Dështimi i negociatave, jo vetëm prej qeverisë"/ Ish Ministri i Drejtësisë zbulon fajtorët

28 Tetor 2019, 15:59, Politikë CNA

Ish ministri i Drejtësisë, Ylli Manjani, ka reaguar edhe njëherë përsa i përket “Jo”-së së negociatave që iu dha Shqipërisë nga Bashkimi Europian.

Duke ripërsëritur se përgjegjës direkt për këtë situatë është kryeministri Rama, Manjani shprehet se mungesa e një “Po”-je nuk qëndron vetëm tek “dështimi për të bërë zgjedhje të lira e të ndershme; tejmbushja e europës me drogë dhe azilantë”, por edhe tek paaftësija jonë për të larguar këtë qeveri nga pushteti.

“Po-ja e BE varet nga çfarë duan apo s’duan ata, jo nga ne”- vijon të thotë Edi Rama.

Pooooo ashtu është! Atë PO ata e vendosin, por për momentin Edi Rama është përgjegjës për arsyet që e bënë BE të mos e thotë atë PO.

Konkretisht, dështimi për të bërë shtet (sipas reformës në drejtësi të miratuar); dështimi për të bërë zgjedhje të lira e të ndershme; tejmbushja e europës me drogë dhe azilantë janë përgjegjësi direkte e qeverisë së Edi Ramës.

Këto janë artikuluar qartë nga Gjermania, Franca dhe Hollanda. Dhe sigurisht që këto janë qëndrimet e tyre para votuesve të tyre, sepse janë politikanë që japin llogari në vendet e tyre.

Ç’llogari do japin ata popujve të tyre nëse i thonë PO në Bruksel një vendi nga i cili del drogë e krim?!

Sigurisht që këto gjera ja thonë edhe burokratëve të Brukselit të cilët paguhen nga taksat e tyre, por që për vite kanë fshehur realitetin.

Por, të mos harrojmë, arsyet e mungesës së “PO” gjenden këtu midis nesh. Gjenden tek qeveria e keqe dhe shumë e keqe, por edhe tek paaftësia jonë për ta larguar atë njëherë e mirë.

Nga kjo qeverisje e keqe, eksportohet krim e drogë, të cilat janë bërë lajme negative në shumë rrugë e lagje të Europës. Njerëzit atje i bëjnë presion qeverive të tyre dhe, këto të fundit janë të detyruara të reagojnë.

Kjo na është bërë e qartë kristal dy vitet e fundit nga politika gjermane dhe Hollandeze. Franca nuk ishte ndjerë ende asokohe.

Ndaj kjo vjersha e “çështjeve të brendshme” të BE është shumë bajate. E neveritshme madje!”, shkruan Manjani./CNA.al