web counter
LEXO PA REKLAMA!

SHKARKO APP

App Store
Google Play

'Shqipëria, rol të rëndësishëm në sigurinë botërore"/ Stolenberg tregon për takimin me Metën

28 Tetor 2019, 16:38, Politikë CNA

Gjatë një konference për shtyp pas takimit me Presidentin e Shqipërisë, Ilir Meta, Sekretari i Përgjithshëm i NATO, Jens Stoltenberg, ka vlerësuar rolin e Shqipërisë për stabilitetin dhe paqen e rajonit.

Teksa e ka cilësuar Shqipërinë avokate të fortë për zgjerimin e aleancës drejt rajonit të Ballkanit, Stolenberg po ashtu ka folur edhe për investimin që NATO po kryen në bazën e re ajrore të Kuçovës.

Sipas Stoltenberg, Shqipëria do të ketë një rol të rëndësishëm në sigurinë botërore, në OSBE vitin që vjen.

?Ju luani rol të rëndësishëm, duke siguruar më shumë sigurinë në Ballkan. Me misionet që ka në Afganistan, për të luftuar terrorizmin në rajonin e baltikut, duke dërguar forca në Lituani. Të gjitha këto tregojnë angazhimin e Shqipërisë në NATO. NATO po realizon një bazë të re në Shqipëri, që do forcojë sigurinë në vendin tuaj. Vitin tjetër Shqipëria do marrë rol të rëndësishëm në sigurinë botërore, në OSBE. Është jetike.

Bashkëpunimi i NATO me OSBE është shumë i rëndësishëm. Gjatë takimit diskutuam dhe rëndësinë e ndarjes së barrës me aleancën. Shqipëria ka investuar më shumë në mbrojtje. Diskutuam dhe situatën në Ballkanin Perëndimor. Falënderove Shqipërinë në rolin e dhënë në rajon për stabilitet dhe paqe. Shqipëria është një avokat i fortë për anëtarësimin e vendeve të tjera për në NATO. Shqipëria ka ratifikuar protokollin e anëtarësimit për Maqedoninë e Veriut dhe pres me padurim që ky vend të anëtarësohet sa më shpejt?, tha shefi i NATO./CNA.al





Lajmet e fundit nga